八月花 (東薈城名店倉)

营业中

休息中

东荟城开埋第二期之后， 无论食肆或者商店都有好多选择， 但系中式酒楼， 可以食点心𠮶种， 好似就系得呢一间， 所以无论假期或闲日， 呢间酒楼门口都会有人排队。 八月花系美心集团旗下比较高价嘅中菜馆， 装修唔错， 楼底高， 枱与枱之间阔落， 几啱三五知己倾计聚旧。 今次叫咗两碟炒粉面和几样点心， 味道都算唔错， 维持返佢一般嘅水准， 不过但他嘅卖相就差啲， 畀三个蛋挞不过用摆四个点心嘅碟， 蛋挞水准一般， 佢哋收得咁嘅价钱， 应该系摆位方面靓D。 我哋叫咗 顶级碧螺春和陈年普洱， 两种茶都入口甘香， 完全冇苦涩味。 员工态度好， 而且上菜有效率， 整体上是满意的。