影片
更多
2010-02-17
68 浏览
16-2-2010本身无刻意挑选米芝莲餐厅食饭的习惯或特殊僻好, 不过都几好奇车軚人的心水中菜系乜嘢一回事, 是日到 C 氏家庭拜年, 晚饭「黐餐」由主人家带路嚟到公司附近的「一粒星」食店, 仲叫埋 4 位「米芝莲套餐」($3xx per head, exact amount 不明) 浓汤云吞排翅: 即「豪华」版「砂锅云吞鸡走鸡」? 汤底呈米白色, 火喉十足, 饮落沉厚咸鲜, 带金华火腿浓香, 正! 鱼翅份量好多, 咬口十足; 云吞就系川菜的「抄手」, 细细只, 馅料只有猪肉, 不过都几鲜甜, 云吞皮薄薄滑滑, 几讨好. 整体系十分出色的一个汤, 值得试试.云影翠玉: 用杯仔 serve, 由上至下 4 层分别系(面头有燕窝的)大虾, 鸡汤, 蛋白及南瓜茸再蒸熟, 卖相劲似甜品 只虾好大, 食落爽脆结实, 鲜味亦突出; 下面的蛋白配上鸡汤, 滑溜之余多了一份咸鲜, 而同底部幼滑清甜的 pumpkin puree 一齐食, 少少咸少少甜加埋又几夹, 好睇又好食 据闻呢味系得奖菜式, 又果然并非浪得虚名, 值得试试.皇室贵族牛柳: 奉上刀叉, 又奉上了芥辣及茄汁配
本身无刻意挑选米芝莲餐厅食饭的习惯或特殊僻好, 不过都几好奇车軚人的心水中菜系乜嘢一回事, 是日到 C 氏家庭拜年, 晚饭「黐餐」由主人家带路嚟到公司附近的「一粒星」食店, 仲叫埋 4 位「米芝莲套餐」($3xx per head, exact amount 不明)
浓汤云吞排翅: 即「豪华」版「砂锅云吞鸡走鸡」? 汤底呈米白色, 火喉十足, 饮落沉厚咸鲜, 带金华火腿浓香, 正! 鱼翅份量好多, 咬口十足; 云吞就系川菜的「抄手」, 细细只, 馅料只有猪肉, 不过都几鲜甜, 云吞皮薄薄滑滑, 几讨好. 整体系十分出色的一个汤, 值得试试.
云影翠玉: 用杯仔 serve, 由上至下 4 层分别系(面头有燕窝的)大虾, 鸡汤, 蛋白及南瓜茸再蒸熟, 卖相劲似甜品 只虾好大, 食落爽脆结实, 鲜味亦突出; 下面的蛋白配上鸡汤, 滑溜之余多了一份咸鲜, 而同底部幼滑清甜的 pumpkin puree 一齐食, 少少咸少少甜加埋又几夹, 好睇又好食 据闻呢味系得奖菜式, 又果然并非浪得虚名, 值得试试.
皇室贵族牛柳: 奉上刀叉, 又奉上了芥辣及茄汁配牛柳, 乜中菜西食成咁 据闻呢味用上 Angus 牛柳, 肉味够香浓, 腌得带点甜, 不过「中式」始终薄切又煎得太 "well-done", 还是「血腥」一点的西式做法较啱口味 仲有几件炸洋葱圈, 不过粉多过乜又食到满口油, 可以不试.
蚝汁百灵菰翡翠: 鲍鱼菇「扣」(?) 得入味, 唔会「水 deh deh」, 食落爽身带蚝油的甜, 几好食; 温室豆苗就系我最喜欢的蔬菜之一, 索满蚝油食落清爽无草青味, 半分钟就清碟
糯米酿鸡翼: 肥大饱满, 鸡皮薄脆唔油腻, 鸡肉较干硬, 内藏腊味的糯米饭就干身亦香口, 不过整体我觉得好似干身得滞 (?), 食食吓不自觉不断饮茶...
蛋白杏仁茶: 杏仁露滑如牛奶, 杏味轻轻的, 我本身唔喜欢杏味, 所以呢个反而啱晒我 粒粒蛋白亦滑, 仲竟然好有蛋白香 , 结果又饮晒.
食物很不错, 环境亦好, 灯光昏暗静静的, 好坐又食得舒服; service 就反而一般, 都未食完 waitress 们就急不及待收晒我哋 d 刀叉 / 碗碟, 真系
连加一每人 300 几 400 蚊 (下列的系约数, 我都唔知 per head 几多钱...), 又要多谢 C 氏伉俪请食饭 , 下次我请啦.
张贴
