Street Meat (已結業)

喺呢间美式餐厅入面竟然食到海胆同和牛？真系估佢唔到㖞！？第一款美食用左卡邦尼既整法，但就弃用传统既意粉或天使面，改配乌冬，上面铺满海胆，仲有芝士混合海苔，美国mix日本，fusion到神级境界，哈哈！急不及待先试试海胆既味道，够鲜甜肥美，唔错；之后将蛋汁mix埋乌冬同芝士一齐入口，好滑身，出奇地夹！第二款系和牛汉堡，通常和牛既油花较其他品种既牛多、密同平均，所以呢个汉堡咬落特别松软，和牛肉质好嫩同juicy，仲有番茄、酸青瓜片同生菜丰富口感，又一美日合壁之作。