影片
更多
2024-09-02
9705 浏览
男友为左庆祝我生日，一早BOOK左枱，所以入座果阵，职员送上生日卡、帮我地影相、同埋餐牌都印有我个名。BOOK左窗边嘅座位，星期一晚上六点半入座，望住个天慢慢变黑，虽然餐厅唔系高层，但无高楼阻挡，一望无际，顺便睇埋幻彩咏香江😍。我地点左$2,088二人餐，包前菜、主菜、配菜同甜品，每款都有好多款菜式供选择。落完单后，首先会送上一只大餐包!!😮 餐包外层酥脆、内里好空气感而且柔熟；闻落淡淡葱香，但由于只系个面先有干葱，所以整体食落葱味唔浓。隔离个牛油好滑好香好正，可惜只可以打包个餐包、牛油就无得打包🙈前菜---龙虾汤落柯打果阵职员会问我地系咪SHARE，原来目的系帮我地预先分开个餐汤，本身仲谂住一人一啖咁SHARE 😅 呢个系加分位。另一个加分位系职员喺客人面前先倒汤，好有仪式感🙊个汤龙虾味浓、调味适中、质地唔系好滑，有酸忌廉嘅部分味道更好。前菜---焗海鲜拼盘+$120有四款焗海鲜，分别系焗烟肉帆立贝、日式香辣蟹肉焗生蚝、焗珍宝虾配意式辣酱、蟹饼。刺身级别嘅帆立贝口感柔软，可惜无鲜甜味，而且焗烟肉未能将其烟熏香渗入带子，结果味道未能融为一体。焗生蚝嘅酱有D似味噌加中式面豉酱嘅味，甜甜地
BOOK左窗边嘅座位，星期一晚上六点半入座，望住个天慢慢变黑，虽然餐厅唔系高层，但无高楼阻挡，一望无际，顺便睇埋幻彩咏香江😍。
我地点左$2,088二人餐，包前菜、主菜、配菜同甜品，每款都有好多款菜式供选择。
餐前大包
61 浏览
0 赞好
0 留言
前菜---龙虾汤
龙虾汤
69 浏览
0 赞好
0 留言
落柯打果阵职员会问我地系咪SHARE，原来目的系帮我地预先分开个餐汤，本身仲谂住一人一啖咁SHARE 😅 呢个系加分位。
另一个加分位系职员喺客人面前先倒汤，好有仪式感🙊
个汤龙虾味浓、调味适中、质地唔系好滑，有酸忌廉嘅部分味道更好。
前菜---焗海鲜拼盘+$120
焗海鲜拼盘
$120
71 浏览
1 赞好
0 留言
有四款焗海鲜，分别系焗烟肉帆立贝、日式香辣蟹肉焗生蚝、焗珍宝虾配意式辣酱、蟹饼。
刺身级别嘅帆立贝口感柔软，可惜无鲜甜味，而且焗烟肉未能将其烟熏香渗入带子，结果味道未能融为一体。
焗生蚝嘅酱有D似味噌加中式面豉酱嘅味，甜甜地、好微弱嘅辣，配合得好好😋；生蚝亦无焗到全熟。唯一要挑剔生蚝偏瘦、唔够饱满😆。
珍宝虾爽弹，个汁有D似龙虾汁。
蟹饼虽然唔大件，不过食到满满嘅蟹肉，而且又唔会好咸，特别焦脆嘅位置蟹味更特出。
主菜---上等腰肉牛扒24oz (For TWO)
上等腰肉牛扒24oz (For TWO)
87 浏览
2 赞好
0 留言
老实讲，上枱果阵个卖相真系唔靓，就咁一旧啡黑色、无「井」字煎纹嘅肉放喺只白碟度😅
男友切果阵，我先知原来系T骨😯不过系一件近2吋厚嘅T骨!!😍 牛扒两边都煎到5-7成之间，成熟程度我觉得拿捏得好好。
上等腰肉牛扒24oz (For TWO)
136 浏览
1 赞好
0 留言
表面焦香，牛柳扒肉质相当柔软、又多汁；🤤
上等腰肉牛扒24oz (For TWO)
104 浏览
0 赞好
0 留言
西冷扒食落明显较有咬口，但肉味较重。
呢件扒分量唔少，食到滞滞地，可以点偏辣嘅芥苿酱做调味，刺激一下味蕾🙊。
配菜---芝士松露炸薯条配松露蛋黄酱
芝士松露炸薯条配松露蛋黄酱
95 浏览
0 赞好
0 留言
幼薯条热辣辣，所以面头洒左果少少芝士碎可以做到轻微嘅拉丝。乜酱都唔沾嘅情况下已经好够味，但又食唔出有松露味🙈 冰冻嘅松露酱偏酸，松露香就一般。
配菜---焗芝士烟肉通粉+$48
焗芝士烟肉通粉
$48
113 浏览
0 赞好
0 留言
为左满足芝士控嘅我而加钱点嘅配菜，分量唔多，但食完好饱肚!! 😏 扭纹通粉煮到硬硬地，好有咬口，芝士酱好香好浓，上面洒嘅脆脆蒜粉，更令呢个通粉锦上添花!!😋😋
甜品---莫尔顿经典焗暖心朱古力饼 (For TWO)
莫尔顿经典焗暖心朱古力饼 (For TWO)
127 浏览
0 赞好
0 留言
原来系朱古力心太软配云尼拿雪糕，心太软虽然唔够流心，但朱古力味甚浓；呢个价位仲谂住会配个好D嘅云尼拿雪糕，点知系香精雪糕，呢个位有点失望🙉。
梳乎厘蛋糕
梳乎厘蛋糕
107 浏览
0 赞好
0 留言
呢个梳乎里系我食过最好味，好浓蛋香，甜度可以接受，空气感十足，配埋个焦糖奶酱，非常好味，相当出色!!😍
整体用餐体验良好🤓，无论环境、座位、景色、气氛、员工服务都好，就连上枱嘅餐碟全部都温热，可见餐厅非常在意食物嘅温度。
最后埋单近$2500/两位。
张贴
