阿里山台式美人鍋 (已結業)

响佐敦油麻地呢一带经常好多好味嘅食店，今次见到一间新开嘅台式火锅！装修同食物都充满台湾嘅风味，就约埋朋友一齐嚟试吓！我哋选择咗一个会越食越靓嘅美人锅，职员话呢一个系呢度嘅招牌菜！果然材料好丰富！入面有一大只乌鸡，感觉已经好滋补！另外好轻易已经捞到非常多嘅桃胶，听讲桃胶含丰富嘅胶原蛋白，而且吸收左汤底嘅鲜甜，味道好似啫喱嘅质感！好味。另外圆肉亦都非常之多！所以个汤好鲜甜！我饮咗几碗先再开始打边炉！调味料冇咩特别。但睇落几新鲜，唔知准备左好耐。我哋要左一份手切肥牛，肥牛厚薄适中，肉味好浓，有𡁻口，有肉汁！好吃！粟米好甜！每一粒都好饱满多汁！最特别嘅系呢度嘅薯粉，好烟韧好滑！吸入汤底嘅清甜十分美味！最后职员送上一份蔬果！系台湾嘅著名生果芭乐！我之前一路冇买过，第一次食！好爽好清甜！