廚十三老壇酸菜魚 (譽發廣場) (已結業)

今日黎到油麻地呢间厨十三食饭，厨十三咁多间分店入面其中一间好有质素既分店。🐟老坛酸菜鱼酸菜鱼好大碟，2个人食都应该会食唔晒，但一上枱已经闻到香喷喷，大量既酸菜令汤底咸酸味十足，辣椒花椒都好够，汤底好香，鱼片好滑又大块，完全唔会松散，入味既鱼片真系好好食！而且呢度仲可以自选配料咁入去，我地加佐豆腐，吸晒汤味仲好食👅🐷 酥炸无脸男$88既菜式，绝对值呢个价，无脸男其实就系炸猪肉条，猪肉条炸得好香好酥，脆卜卜既外皮配上仍然嫩口既猪肉，口感好好超好食！👁上上签$88既各款辣既串串，有鹌鹑蛋，莲藕片，椰菜花，黑木耳，凤爪，呢个望落唔系咁辣，但原来都有辣椒同埋有啲花椒，所以食落都辣同麻，但好过瘾！