美盛匯 (已結業)

今日行过湾仔去会展既天桥，望到系桥边有一间楼上餐厅有好多💡霓虹灯写住食物名； 玻璃仲写住「任食自助餐」，即刻俾佢吸引左上去食。餐厅提供既菜式定期会转，今期款式有：❣️前菜、小食：紫菜瘦肉汤、凉拌青瓜云耳、烧卖、馒头花卷、粟米蕃薯❣️主菜吉列猪扒、黄油鸡、菜心、胜瓜云耳、肉碎炒四季豆、莲藕炆腩肉、西芹两色椒炒鸡粒、咖哩炆肉、炒饭❣️粉面档：重庆小面、酸辣粉、清汤水饺、清汤牛腩面❣️饮品、水果冻豆浆、西瓜哈密瓜就咁数都成十几廿样款式，岩晒唔同人既口味。食物系放系餐厅中间既长枱长期座热；自己想食几多夹落盘子。盘子碟好型，有好多格俾你放多款食物，咁就唔怕食物既汁同味道互相混合影响味道。餐厅有心思，盘子花纹精致，而且汤碗同杯都系用同一系列既款，非常讲究。粉面档长期有位姐姐预备帮你煮面，我最钟意系清汤牛腩面，食左两碗，无论选竹升面定上海面都一样咁好食，主要系汤式清而够味。而牛腩系炆到入味同超冧身，外面有层透明既衣，口感超正。熟食中我最钟意个紫菜汤，又足料又甜甜地，感觉到无味精唔渴，有家的味道所以饮左两碗。另外吉列猪扒都炸到好脆身，一咬就咬得开，用嚟配咸香既炒饭口感一流🍚。