DAYS IN THE SUN

营业中

休息中

呢间餐厅位置好近Yoho，入到去非常打卡able同靓，好似去左个悠闲花园咁，加上阳光映入，真系好符合餐厅名！呢度非常特别，之前去过好多cafe都冇见过有饺子，通常都系西式。拣咗个精品饺子套餐，有好几种口味可以选择(例如：三鲜，粟米猪肉等），我地就要左香菇木耳猪肉同埋黑松露芝士口味。饺子馅料满满，香菇木耳味道够香又有咬口；黑松露芝士就有佢嘅独特香气，加埋芝士够晒邪恶好味。饺子餐有配有个玛德莲蛋糕，预期之外嘅好味，同咖啡亦都好夹。朋友就拣咗个all day breakfast，非常多种类，小番茄，烟三文鱼，沙律，大啡菇等，确实系all day breakfast吸引人之处。黑松露炒蛋非常滑溜，正！呢到唔喺提供饱类，而系搭配枫糖班戟，更岩我地口味❣️咖啡亦都出色，好饮，hand drip有水准。朋友就拣咗杯hojicha 饮品，同样出色。佢地饮品仲有附上一张好有意思嘅手抄句子卡，有时唔同心情，际遇嘅人，见到呢张卡都可以有个小窝心，积极面对。整体环境，食物都好好，系一个好地方去放松慢活。