東羅 泰館 (已結業)

卤猪手淆到好冧，但唔会太浓味，配左个柠檬汁， 连皮连筋食入口即溶而且一啲都唔油腻。蒜蓉法包味道好特别， 加咗少少辣椒同肉碎 ，变得好有泰国风味， 个法包本身脆而不硬，非常surprise。大虾冬阴功汤面水准相当，两只虎虾好多虾膏，面条弹牙，汤底浓郁。呢个特色雪条奶茶几好玩，打卡专用， 亲自加奶加茶， 等条雪条溶咗再饮。不过雪条本身好甜，茶味唔够突出。餐厅位置仲非常就脚， 而且门外同室内都好多打卡位， 一次过满足食好嘢同po IG 两个愿望。