泰中意 (已搬遷) 新店位置

晚上匆匆忙忙冇特别去煮饭，所以近近地过咗嚟呢大水坑村食泰国菜。 我哋点左泰式沙爹串烧，因为我哋钟意食牛肉所以叫左半打牛肉。一食落囗就知道系新鲜烤，牛肉仲带有好多肉汁，好嫩囗。 佢哋嘅沙爹酱系自己调配的，虽然有一些微辣 ，但系花生味也很浓厚，小朋友也容易入口的。 另外，我哋也点咗泰式海鲜湿炒河和菠萝海鲜炒饭，无独有偶两者都系以海鲜为主，但口感好不同。海鲜湿炒河 食落去会感觉好似加咗少少黑胡椒同潮式黄豆酱去调味，海鲜既味道更突显。而海鲜炒饭则能够带出菠萝的鲜甜，加埋猪肉丝和提子干，令人食欲大增。 当然两者的海鲜配料也都是加了蚬肉，鲜鱿和大虾为主，但菠萝海鲜饭就加了两只烤青口，感觉再特别丰富。我哋点咗芒果糯米饭做饭后甜品，黑糯米微微的暖带上椰香作面，再加上香甜的芒果，真是饭后必食一绝。我哋四个人一共食咗三百多元 平均每人都是80蚊左右，以晚餐来说食风味餐都算系抵食。