宴會廳

营业中

休息中

Item: 宴會廳
Rating: 4
Author: 奥志雷

20 食记

味道

环境

服务

卫生

抵食

154

旺角

$201-400

多国菜酒店餐厅無翅餐廳

奥志雷

等级4

2.1K

哗 ﹗睇个 menu 今晚都好丰富、好正播 ﹗但同成班食肉兽老友一齐坐，真系手快有手慢无呀 ﹗食左先讲 ﹗龙凤呈祥脆金猪、油泡明虾球、黄金花姿球、北菇竹笙扒翡翠、红烧竹笙蟹肉翅、翡翠鲜鲍片、清蒸大青斑、酱油黄金鸡、福建炒丝苗、虾籽鲜杂菌伊面、蜜运红莲海底椰、浓情蜜意双美点。龙凤呈祥脆金猪 barbecued whole suckling pig ﹗哗哈哈，好名呢 ﹗只猪真系好靓，食落不肥不腻，烧既火侯刚刚好，皮脆肉嫩，外皮咬落香口脆卜卜，下层肉质棉滑，味道甘香非常，卖相仲好吸引添 ﹗真系唔好意思，实在太好食 ﹗我要连食四五旧先够喉，而且我最爱食猪仔脚，肉质特别有咬口又弹牙，软骨脆卜卜。大家咁 friend 无紧要啦，抢呀 ﹗油泡明虾球 sauteed prawn with vegetable，好巨形既虾球呀 ﹗囍宴上真系好少见会咁大只、咁足料，应该系额外加码啦，多谢晒呀腾尼 ﹗约 4cm 既大虾碌非常鲜甜又爽口，靓海鲜唔需要花巧啦 ﹗唔似某些酒楼用重盐乸完再啤水，味道过咸、咬落索索声，假弹牙。蜜糖豆好好食，鲜嫩爽口又带甜。整碟既配搭同调都非常清爽，Good ﹗黄金花姿球 deep fried minced squid ball，即炸热辣辣 ﹗无话一早炸定放到冻晒先上枱。顶，真系太好食喇 ﹗我可唔可以食多两粒呀？外层炸香口劲松化，墨鱼胶鲜味又弹牙，配上浙醋好醒胃，坚满意啊 ﹗突然我脑海中闪过街边炸鱼蛋，味道真系好似，呵呵呵 ﹗其实我比较钟意食炸蟹钳呢，虾胶捞埋鲜蟹肉一齐炸，好味道 ﹗北菇竹笙扒翡翠 braised seasonal vegetable with black mushroom and bamboo pith。食左道浓味菜，突然黎碟咁清淡既，味蕾暂未能习惯到呢 ﹗狂队几杯浓茶，清清口腔再认真试试味先。几有创意㖞，用鬼佬新鲜沙律豆苗垫底，捞埋个高汤芡一齐食，爽口清新又多汁，感觉几有趣。冬菇滑溜弹牙菇味浓，竹笙够爽口，满意满意。话咁快又到中场食翅喇 ﹗12 位来至五湖四海即食家们依然气势如洪，没半点松懈 ﹗碗碗吉、碟碟清，劲呀 ﹗红烧竹笙蟹肉翅 braised shark's fin soup with crabmeat and bamboo pith。倒完 12 碗仲有约 1 碗剩㖞，大家十分礼让㖞，我梗系唔客气啦 ﹗蚀底啲，交比我处理啦 ﹗腾尼我要食天九翅呀，唔要红烧翅呀，呵呵呵。高汤调得厚落适中，色泽鲜明通透够吸引，味道香甜浓郁又唔会浊，食落都有少少翅针咬下，加点浙醋点缀一下，味道一流。翡翠鲜鲍片 braised sliced abalone with seasonal vegetable，睇个样应该都系南非鲍片喇，不过味道咁咸既？质感滑溜咽韧。而鲍汁生菜就非常美味噃，爽甜多汁，大受欢迎，各食家不停地添食呀 ﹗酱油黄金鸡 deep fried crispy chicken marinated with soy sauce，皮脆肉嫩 ﹗薄薄外皮炸到脆卜卜又香口，鸡肉嫩滑 juicy，好好味。上一道菜清蒸大青斑转眼已蒸发左喇 ﹗连相都无机会影，剩返一堆骨头乍，可以想象有几好食呢 ﹗鱼头同面珠登都系比我掠夺左啦，哈哈 ﹗嫩滑胶口又有肉食，正呀 ﹗鱼肚必食啦，又腍又滑，美味 ﹗福建炒丝苗 fried rice in Fukien style，哗 ﹗有无咁好食呀？真系炒得坚香啊 ﹗饭香加蛋香，炒得干爽，饮粒咽韧弹牙，镬气又够，好少囍宴最尾既炒饭咁靓，配埋浓郁肉汁芡，好好味 ﹗我都要食返两碗先。虾籽鲜杂菌伊面 braised 3-fu noodle with assorted mushroom and shrimp roe，继超水准福建炒饭后，又一杰作 ﹗依个伊面炒得满意，质地弹牙，无话又腍又湿。加上虾籽同吃，味道非常甘香浓郁，夹杂住淡淡什菌味道 ﹗虽然味道高得有点浓，但真系几好食架㖞 ﹗蜜运红莲海底椰 double boiled red date, lily bulb and sea coconut in sweet soup，甜品我一向都麻麻地，但因为依餐真系非常满意，所以要黎个完美句号。好采糖水不太甜，清润，几好。好富丰又美味既一餐 ﹗仲饮左好多红酒呢 ﹗12 个傻既坐埋一枱，鬼杀咁嘈 ﹗失礼晒。

宴會廳 营业中 休息中

宴會廳

营业中

休息中