影片
更多
2016-09-04
2021 浏览
周末嘴刁朋友喺新新Book咗间房，30个猪朋狗友齐与他庆祝生日！一去到见到台面摆满Moët, Bordeaux, 仲有日本whiskey, 知道今晚不醉无归！美酒紧系要配佳肴啦！是日highlight: 手撑咁大条嘅海参扣鹅撑，好鬼入味，骨胶原多到呢， 正！我前晚到咗翠玉轩，两旧水一碟，都系得手指咁大条海参，呢到真系好鬼抵！仲有炆到软淋淋南非鲍鱼，鲍汁味浓，火喉足，而家讲起都想食多只。饮到醉醉地个阵，竟然出个邓家鸡煲，好耐无食过啦！好香胡椒炆滑鸡，再加上猪肚及鬼咁大条的猪粉肠，饮一啖浓汤乜鬼都醒晒，我d猪朋狗有嘅最爱竟然系煲粉肠，佢地系争住食! 食净d汤都话要打包。跟住出个传统金钱鸡，呢到嘅招牌菜，一定有d水准，重点系𠮶旧猪油，食完帮你解酒，又可以再饮过。其他菜式包括清蒸大龙趸、虾球芝士焗伊面、乳猪、天麻鱼头汤、上汤煎粉果、虾多士、wasabi 黑椒牛柳⋯⋯。一味靓海鲜，一味传统菜，加靓酒，都几过瘾。巧开心嘅晚上，成班完到半夜先走，服务态度好，勤勤斟酒第水，又送果盘，又有糖水。我哋两个月前去阿一鲍鱼包房，千几蚊位，无惊喜。虽然呢到无阿一的海景，鲍鱼都无咁大只，但啲𩠌胜在够足料，师父几有
一去到见到台面摆满Moët, Bordeaux, 仲有日本whiskey, 知道今晚不醉无归！
美酒紧系要配佳肴啦！是日highlight: 手撑咁大条嘅海参扣鹅撑，好鬼入味，骨胶原多到呢， 正！我前晚到咗翠玉轩，两旧水一碟，都系得手指咁大条海参，呢到真系好鬼抵！
仲有炆到软淋淋南非鲍鱼，鲍汁味浓，火喉足，而家讲起都想食多只。
饮到醉醉地个阵，竟然出个邓家鸡煲，好耐无食过啦！好香胡椒炆滑鸡，再加上猪肚及鬼咁大条的猪粉肠，饮一啖浓汤乜鬼都醒晒，我d猪朋狗有嘅最爱竟然系煲粉肠，佢地系争住食! 食净d汤都话要打包。
跟住出个传统金钱鸡，呢到嘅招牌菜，一定有d水准，重点系𠮶旧猪油，食完帮你解酒，又可以再饮过。
其他菜式包括清蒸大龙趸、虾球芝士焗伊面、乳猪、天麻鱼头汤、上汤煎粉果、虾多士、wasabi 黑椒牛柳⋯⋯。
一味靓海鲜，一味传统菜，加靓酒，都几过瘾。
巧开心嘅晚上，成班完到半夜先走，服务态度好，勤勤斟酒第水，又送果盘，又有糖水。
我哋两个月前去阿一鲍鱼包房，千几蚊位，无惊喜。虽然呢到无阿一的海景，鲍鱼都无咁大只，但啲𩠌胜在够足料，师父几有心思，我地个房对住九龙公园，都几舒服，我地叫左几枝house wine，自己再带靓酒，老板识做，无收corkage。成班柴娃娃，饮饱食醉，成为四百几蚊一位，胜价比甚高！
P.s. 房间有限，私人度高，切记提早落订，特色菜都系要预订嘅。
海参扣鹅撑
34 浏览
0 赞好
0 留言
南非鲍鱼
54 浏览
0 赞好
0 留言
金钱鸡
56 浏览
0 赞好
0 留言
虾多士
48 浏览
0 赞好
0 留言
张贴
