鳥羽名古屋料理 (已結業)

今日又过香港岛同朋友饮下酒吹下水，朋友话依间居酒屋相当唔错，一于book定枱试试。因为朋友已经嚟过所以食物就由佢话事。佢呢度清酒选择好多，我哋对清酒认识唔深，就饮侍应推介既。佢好细心转用壸上！甘口易入口，结果叫咗两支。朋友话炸腐皮温泉蛋好出名。好厉害，外边炸得好脆，但竟然入边嘅蛋系流心！双重口感好食到不得了！上级刺身拼盘刺身真系睇得见好新鲜，处理得好好。池鱼薄切刀工好，鱼新鲜度爆灯，送酒佳品。炙烧和牛刺身Marbling 均匀细密，外层烧过牛味突出，配上酸酸甜甜嘅酱汁，完全唔觉油腻！一件接一件食唔停口。什锦鸡肉棒串，一次过试咁多口味，啱晒我呢啲钟意新鲜嘅人。鸡肉入边仲有鸡软骨，配埋生蛋黄，又滑又香，正！手羽先唐扬香口皮够脆，调味亦都够香口，不过就干身咗少少，唔够juicy。虽然呢度价钱唔算平，不过食物水准相当高，一定会再嚟。