影片
更多
2015-04-03
985 浏览
早前同同事去尖沙咀做完野，几个人谂咗好耐都唔知食咩，最后衬住天气未算太热，就去打下边炉∼之前喺网上睇到附近嘅「奇乐香辣鸡煲」一直喺餐厅排行榜榜上有名，同同事商量完之后大家都赞成去试下，于是我地就即刻去开餐啦~行左几个字，终于见到奇乐鸡煲～好彩唔算难揾～餐厅环境都几宽敞，环境舒适。我地坐低冇耐,店员就送上一盒大大盒嘅调味盒，有:芫茜、葱粒、生蒜、炸蒜等多种配料，等我地自己配搭出最岩自己口味嘅酱料再睇睇餐牌，发现鸡煲有嘉美鸡、粤皇鸡及泰安鸡供选择，正当我地困惑嘅时候，店员主动过黎同我地讲解有关鸡种分别的知识，最后我地拣咗比较肥美嘅泰安鸡，另外由于小妹唔食得辣，店员就建议我地拣微辣，非常贴心叫完鸡煲后，就开始拣其他火锅配料，款式甚多，有牛类、其他肉类、饺/滑丸类、海鲜、小食、蔬菜、豆品及面食类，重有2人套餐～店员见到我地谂紧食咩嘅时候，问下我地有无兴趣叫啲酒品，依加做紧优惠，叫枝酒嘅话重会另外送多3只生蚝～因为我地唔系经常饮酒嘅关系，所以就叫店员介绍枝比较易入口同甜度高啲嘅比我地～German Pieroth Blue Nahe $338［评分：8/10］ 蓝色嘅酒樽修长嘅樽身非常动人，记得
早前同同事去尖沙咀做完野，几个人谂咗好耐都唔知食咩，最后衬住天气未算太热，就去打下边炉∼之前喺网上睇到附近嘅「奇乐香辣鸡煲」一直喺餐厅排行榜榜上有名，同同事商量完之后大家都赞成去试下，于是我地就即刻去开餐啦~行左几个字，终于见到奇乐鸡煲～好彩唔算难揾～
餐厅环境都几宽敞，环境舒适。我地坐低冇耐,店员就送上一盒大大盒嘅调味盒，有:芫茜、葱粒、生蒜、炸蒜等多种配料，等我地自己配搭出最岩自己口味嘅酱料
再睇睇餐牌，发现鸡煲有嘉美鸡、粤皇鸡及泰安鸡供选择，正当我地困惑嘅时候，店员主动过黎同我地讲解有关鸡种分别的知识，最后我地拣咗比较肥美嘅泰安鸡，另外由于小妹唔食得辣，店员就建议我地拣微辣，非常贴心叫完鸡煲后，就开始拣其他火锅配料，款式甚多，有牛类、其他肉类、饺/滑丸类、海鲜、小食、蔬菜、豆品及面食类，重有2人套餐～
店员见到我地谂紧食咩嘅时候，问下我地有无兴趣叫啲酒品，依加做紧优惠，叫枝酒嘅话重会另外送多3只生蚝～因为我地唔系经常饮酒嘅关系，所以就叫店员介绍枝比较易入口同甜度高啲嘅比我地～
German Pieroth Blue Nahe $338［评分：8/10］
蓝色嘅酒樽修长嘅樽身非常动人，记得之前都曾经饮过依款酒，店员重话依枝会比之前嘅更甜更易入口，淡黄嘅酒色，入口果味真系非常浓郁，而且好甜好易入口，令人不知不觉一杯接一杯就饮晒一枝了～
鬼马油炸鬼［评分：8/10］
首先上枱嘅系小食鬼马油炸鬼，岩晒送酒～鬼马油炸鬼其实系将墨鱼滑酿入油炸鬼，油炸鬼炸得松脆香口，加埋弹牙嘅墨鱼滑就紧吸引，而且直接食又得，放入鸡煲做火锅配料亦得，腍腍地嘅口感，吸满浓汤，两种食法各有特色～
泰安鸡［评分：7/10］
店员介绍泰安鸡系3种鸡种中最肥美的一款，除了鸡件外，还有大量洋葱、辣椒及莞茜等提味，味道蛮浓的，惹味非常，由于叫左微辣，鸡煲几乎完全食唔出辣味，绝对适合唔食得辣嘅人，不过可能因为鸡种关系，肉质虽然嫩滑，但大部份鸡件都好实净
食完之后就可以加汤，加热左之后就可开始打边炉啦～
特级手切肥牛［评分：7/10］
肉类我们点了特级本地肥牛同黑豚猪面颊。本地肥牛脂肪比较少，放入锅到渌几秒就得，肉质不算太滑腻，口感带点韧劲，少了油香，但牛肉味较重，如果钟意有口感嘅牛肉，就可以试下依款啦～
黑豚猪面颊［评分：8/10］
好少系其他地方见到有猪面颊食，少有地觉得猪肉比牛肉好食，入口够嫩够滑，重好重猪肉味，完全无一般猪嚡口嘅感觉，面颊果然比其他部位更好食～
手打四宝丸 ［评分：6/10］
四宝，分别系鲮鱼丸、墨鱼丸，虾丸同牛丸。手打丸粒粒都好饱满，真材实料，由其系牛肉，牛肉味非常香浓，但可惜的是手打牛丸食的时候无咩口感，有啲似免治肉丸咁. . .呢样就真系有啲美中不足了，而4款当中相对有口感嘅就系墨鱼丸，味道都几香～
黑松露带子饺［评分：8/10］
黑松露带子饺皮薄馅靓，只只都好巨型，非常非常足料，馅入面除咗有黑松露外，重有一粒粒带子小粒同少量木耳混合而成，因为够晒大只嘅关系，所以要等耐啲先食得，入口带淡淡松露香之余，口感重相当丰富，饱肚之选～
即炸向铃［评分：8/10］
向铃即叫即炸，劲新鲜！虽然岩岩炸起，个没有过多嘅油份，就甘拎起一条即食，又香口又松脆。再浸一浸汤，立即变得软腍腍，但一样咁香口～
唧唧墨鱼面［评分：8/10］
平时朋友仔多数最后会叫返个乌冬作结，今次就试下用唧唧墨鱼面代替，由为面质较硬，所以唧出黎时有啲难。墨鱼面口感比想像中好，有啲韧力，入口爽弹～又有得玩又有得食，唔错～
奇乐香辣鸡煲 (尖沙咀)
尖沙咀山林道29-31号广利楼地下4号铺
∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼
味道：7/10
环境：7/10
服务：7/10
卫生 : 7/10
抵食 : 7/10
张贴
