影片
更多
2021-09-13
1382 浏览
近期最新嘅活化景点，非「中环街市」莫属啦，好多人就专登走过去打卡，小弟返中环工，趁食晏闪过去就非常方便。然而，较为吸引小弟嘅，都喺二楼一排嘅食店，走一圈，发觉都好多元化，而且，大多数都喺本土品牌，呢个「烘焙联盟」唔通集合几家本土烘焙店所组成？原来唔喺，跟店员问问，查实喺「超群」嘅新品牌，1966喺「超群」成立嘅日子。 中环都有「超群」，但呢一家「1966烘焙联盟」所卖嘅产品就好唔同，感觉比较高档啲、新派啲，而且，好多元化，如特别嘅蛋挞、冬甩、三文治、馅批、吐司……等等，仲有之前就晌啲饮食杂志睇过嘅彩虹瑞士卷，都喺非常吸晴，打卡度高嘅产品。 影相都影唔得晒咁多，幸而店家都备有一啲单张，扫描出嚟大家就可以一次过了解晒佢哋有咩产品，以及价钱。 中间位有个应该喺可以立食嘅地方，摆满晒植树，晌整个场内都几养眼！不过，今次主要嚟食个轻怡午餐，所以，打算点一份三文治，再加杯饮品，如果拣热咖啡或奶茶就有加配优惠，可惜拣樽仔冻饮就要俾原价，天气咁热，都喺拣冻饮吧！咖喱牛肉三文治 $38因为铺后有厨房，三文治都喺即点即制货色，而包装盒好似汉堡包咁，打开见店员加多片胶膜冚住份三文治，感觉更卫生。 三文治内除
中环都有「超群」，但呢一家「1966烘焙联盟」所卖嘅产品就好唔同，感觉比较高档啲、新派啲，而且，好多元化，如特别嘅蛋挞、冬甩、三文治、馅批、吐司……等等，仲有之前就晌啲饮食杂志睇过嘅彩虹瑞士卷，都喺非常吸晴，打卡度高嘅产品。
影相都影唔得晒咁多，幸而店家都备有一啲单张，扫描出嚟大家就可以一次过了解晒佢哋有咩产品，以及价钱。
中间位有个应该喺可以立食嘅地方，摆满晒植树，晌整个场内都几养眼！
不过，今次主要嚟食个轻怡午餐，所以，打算点一份三文治，再加杯饮品，如果拣热咖啡或奶茶就有加配优惠，可惜拣樽仔冻饮就要俾原价，天气咁热，都喺拣冻饮吧！
咖喱牛肉三文治 $38因为铺后有厨房，三文治都喺即点即制货色，而包装盒好似汉堡包咁，打开见店员加多片胶膜冚住份三文治，感觉更卫生。
三文治内除咗有咖喱牛肉，仲有生菜、炒蛋，不过，咖喱牛肉非一片片𠮶种，喺做成免治一种，而且较薄身，如果做成前者，一片片咁，相信口感更佳，幸而个咖喱都做得香。厚厚嘅炒蛋就做得唔错，炒得嫩滑，无炒过老，整体而言，味道方面着实唔错。
港式樽仔奶茶 $22因为喺原支咁雪冻，所以，除咗够冰凉之外，饮到尾味道不减，唔会被冰粒沟淡。实际上，饮落颇有茶记风味，茶底香浓，茶奶比例好，又有滑溜感，算喺有水准嘅港式奶茶。
午餐食完，觉得啲产品唔错，就试埋个冬甩松饼同山形吐司，前者店员就介绍做法有别传统冬甩，所以叫冬甩松饼，就当下午茶，后者亦话以汤种面团制作，故此就当早餐。
朱古力冬甩松饼 $20因为成个冬甩都冚咗层朱古力「脆皮」，所以，影出嚟「黑鼆鼆」（音：蚊），可能睇得唔清楚，但里面并非以油炸嘅面团嚟做，而喺食落就会感觉到喺以美式松饼做冬甩嘅身，口感比较实在，带点湿润，由于松饼喺朱古力口味，加埋外层嘅朱古力皮，整体嘅朱古力味喺非常浓郁。
绿茶红豆山形吐司 $34以日式汤种做面包都唔喺咩新鲜事，然而，呢种做法嘅面包就特别松软。单喺睇外貌嘅绿茶，就知道绿茶嘅味道有番咁上下香浓，确实，入口绿茶味真喺超突出，十分幽香，而包身嘅口感非常柔软，虽然，里面混入嘅红豆唔算多，但啲红豆本身就好饱满清甜，老婆就大赞超好食！
今次，虽然都只喺试吓啲三文治呀、冬甩呀、山形吐司呀，但都感受到𠮶份制作认真，用料不赖嘅诚意。
张贴
