十二味 (香港仔中心4期)

营业中

休息中

同朋友去完南丫岛玩，落船已经好肚饿，就谂住去香港仔揾啲嘢食。行咗几条街都好似冇乜嘢特别，大家都想食辣嘢就试吓呢一间，估唔到有意外惊喜。坐低先知道呢间原来系连锁店，好多人喺里面食酸菜鱼，不过我唔啱，所以就叫咗呢个干锅。干锅里面炒嘅材料，全部都系自己选择，即系里面所有嘅嘢都可以拣自己钟意食嘅。我个评语系够辣同埋香口，虽然望落去真系好唔健康，但系间唔中食一餐半餐冇问题嘅。最令我感动嘅系，我哋叫咗其中一样材料系鹌鹑蛋，佢地唔系就咁放啲鹌鹑蛋落去炒，连鹌鹑蛋都系炸过然后先炒，多一重口感，亦都更加香。不过可惜嘅系，年糕系同一个炮制方法，先炸后炒，但系就炸得太干身，所以比较硬。