影片
更多
2013-08-18
233 浏览
2月7日, 素食文化近年开始慢慢兴起, 身边亦越来越多朋友主张少肉多菜饮食, 顺理成章造就咗今年我地嘅团年饭选址喺呢间素食西餐厅! 晚市时段餐厅座位爆满, 好彩一早订定位~ 餐厅环境装修好有特色, 不过枱与枱之间距离颇狭窄, 真系肥少少都坐得唔舒服… anyway, 坐低就开始叫野食喇!::: 番茄罗勒烤芝士面包 ::: $58面包用上法包, 面头铺上芝士同埋份量慷慨嘅罗勒酱加车里茄, 再淋上橄榄油, 感觉十分jamie oliver~ 味道简简单单都系材料天然嘅味道, 但系胜在十分夹~::: 香脆黄金块 ::: $48呢个其实系斋麦乐鸡~ 认真形神俱备! 外层炸得香脆唔油腻, 内里系结实嘅豆茸, 口感似足真嘅麦乐鸡, 弹牙又有肉味, 外层洒上辣粉, 蘸埋茄汁食都几惹味!::: 泰式素串烧 ::: $48卖相十分吸引, 味道亦十分讨好! 素串烧串烧外层焦脆, 质地则爽口弹牙, 食时伴以泰式甜酸酱, 竟然可以食到平时肉串烧嘅风味! 连唔太好素肉嘅人仕都表示好味~ 推介呀! ::: 椒盐炸脆豆腐 ::: $48终于有一味系纯正素食! 呢个炸豆腐虽然不论材料同烹调都系一般做法, 但胜在炸得香
::: 番茄罗勒烤芝士面包 ::: $58面包用上法包, 面头铺上芝士同埋份量慷慨嘅罗勒酱加车里茄, 再淋上橄榄油, 感觉十分jamie oliver~ 味道简简单单都系材料天然嘅味道, 但系胜在十分夹~
::: 香脆黄金块 ::: $48呢个其实系斋麦乐鸡~ 认真形神俱备! 外层炸得香脆唔油腻, 内里系结实嘅豆茸, 口感似足真嘅麦乐鸡, 弹牙又有肉味, 外层洒上辣粉, 蘸埋茄汁食都几惹味!
::: 泰式素串烧 ::: $48卖相十分吸引, 味道亦十分讨好! 素串烧串烧外层焦脆, 质地则爽口弹牙, 食时伴以泰式甜酸酱, 竟然可以食到平时肉串烧嘅风味! 连唔太好素肉嘅人仕都表示好味~ 推介呀!
::: 椒盐炸脆豆腐 ::: $48终于有一味系纯正素食! 呢个炸豆腐虽然不论材料同烹调都系一般做法, 但胜在炸得香脆之余够干身唔会油淋淋~ 面头洒上香料粉同点埋酱汁味道更丰富! 要赞嘅系虽然外在味道咁浓但系豆腐味仍然突出, 唔错唔错~
::: 香脆黑椒大豆炸饼汉堡包(白汁)伴南瓜薯角及神秘有机酱汁田园沙律 ::: $128汉堡包都算系呢度最受欢迎菜色之一, 我地都要预留先叫到一份! 汉堡包馅料有招牌红菜头酱、烤大菇甜心菠萝、香脆黑椒大豆炸饼三款, 而我地就拣咗质感最似汉堡扒嘅大豆炸饼~ 首先汉堡包烘得香脆系值得一赞! 内里馅料除咗大豆炸饼之外仲有d生菜番茄同菜苗等, 都算丰富. 其实佢地个白汁味道唔太突出, 反而大豆炸饼嘅黑椒味较重, 整体当然唔够真肉汉堡吸引, 但都算惹味嘅~
南瓜做成薯角size再拎去烤系几特别, 不过食落南瓜味同外层嘅蜜糖甜味唔系好夹, 胜在比炸薯条健康吧… 另外薯角亦系用新鲜薯仔做成, 仲系连埋薯皮嘅健康食法, 可惜薯角整得唔够脆, 普通啦! 田园沙律d菜算系新鲜, 但酱汁不多, 有点干啃feel…
::: 焗香草酱芝士杂菜(茄子)千层面 ::: $128超级丰富同足料嘅一度菜~ 虽然只有杂菜做馅但味道足以媲美肉酱千层面! 净系睇佢堆得满满加上慷慨嘅芝士嘅卖相已经满分! 每层馅料都铺得满满, 茄酱自然鲜甜, 蔬菜有软淋有爽口, 茄子又吸满馅料鲜味, 加上每层夹杂嘅浓郁芝士… 真系食到人停唔到口! 虽然唔算好大兜, 但系又芝士又茄酱咁食食下都几饱肚.
::: 奶油黑松露酱什菌烩弹弓意粉 ::: $128简简单单用菇菌做主角嘅意粉, 虽然有奶油黑松露酱但因为酱汁不多, 比较干身. 就算弹弓意粉锁汁力强, 但咬落都略嫌有少少干硬. 什菌调味不多, 味道较清淡, 黑松露酱够香不过食落口味道亦唔重, 好靠奶油同芝士吊出个味来~ 整体ok, 感觉健康更胜味觉.
晚餐每人最低消费$150, 都预咗你要upgrade主食做套餐, 或者要另叫小食. 套餐包嘅餐汤同餐饮味道普通, 冻柠檬茶一贯西餐特色无乜茶味… 建议都系配搭小食凑数比较好~ 好耐之前睇过关于呢度嘅介绍已经好想试架喇, 今次一试又无想像中咁惊为天人, 不过素食餐厅中佢算系做得唔错架喇! 食多d素保护我地个地球点都系值得支持嘅!
张贴
