影片
更多
2017-07-19
272 浏览
呢区唔知几时开始成为揾食重镇, 尤其系工业大厦入边, 今次与友人上黎呢度食好西!呢间西餐厅面积唔大, 环境气氛令人感到几舒服, 播住悠扬纯音乐, 食西餐都要讲求气氛既配合呢..............................精致餐牌提供沙律, 小食, 汤, 意粉/意大利饭, 法式班戟, 主菜及甜品, 价钱相当亲民除左散叫, 呢度亦有供应晚市套餐, 包餐汤, 头盘, 主菜, 餐饮及甜品, 可谓相当齐全!头盘有自家制三文鱼拼盘, 摆盘相当别致包括茴香黑椒三文鱼, 自家制腌制三文鱼及田园沙律, 三文鱼食落口感软滑, 个自家制腌制三文鱼味道酸甜, 食落令人有醒胃感觉, 作为头盘都系个几好既配搭!餐汤另加$15可升级为法式洋葱汤汤内充满甜美洋葱, 够晒足料, 而面层再舖上热熔左既芝士, 增加佢既香度, 一口芝士一口汤, 口腔内有洋葱既甜味同芝士既咸香味, 好味!呢客龙虾忌廉汤, 卖相橙BB捞起见到有龙虾肉, 饮落都几重龙虾味, 质感几清唔会有厚身感觉, 若果配埋件多士一齐伴饮可能会更完美!好啦......主菜出场啦, 呢客系蜜糖芥末烧西班牙黑毛猪颈肉, 配以焦糖苹果蓉, 田园沙律及芥末籽
呢间西餐厅面积唔大, 环境气氛令人感到几舒服, 播住悠扬纯音乐, 食西餐都要讲求气氛既配合呢..............................
精致餐牌提供沙律, 小食, 汤, 意粉/意大利饭, 法式班戟, 主菜及甜品, 价钱相当亲民
除左散叫, 呢度亦有供应晚市套餐, 包餐汤, 头盘, 主菜, 餐饮及甜品, 可谓相当齐全!
头盘有自家制三文鱼拼盘, 摆盘相当别致
自家制三文鱼拼盘
2 浏览
0 赞好
0 留言
包括茴香黑椒三文鱼, 自家制腌制三文鱼及田园沙律, 三文鱼食落口感软滑, 个自家制腌制三文鱼味道酸甜, 食落令人有醒胃感觉, 作为头盘都系个几好既配搭!
餐汤另加$15可升级为法式洋葱汤
法式洋葱汤
2 浏览
0 赞好
0 留言
汤内充满甜美洋葱, 够晒足料, 而面层再舖上热熔左既芝士, 增加佢既香度, 一口芝士一口汤, 口腔内有洋葱既甜味同芝士既咸香味, 好味!
呢客龙虾忌廉汤, 卖相橙BB
龙虾忌廉汤
3 浏览
0 赞好
0 留言
捞起见到有龙虾肉, 饮落都几重龙虾味, 质感几清唔会有厚身感觉, 若果配埋件多士一齐伴饮可能会更完美!
好啦......主菜出场啦, 呢客系蜜糖芥末烧西班牙黑毛猪颈肉, 配以焦糖苹果蓉, 田园沙律及芥末籽烧汁 ($190)
蜜糖芥末烧西班牙黑毛猪颈肉
3 浏览
0 赞好
0 留言
西班牙黑毛猪颈肉烧得几香口又唔会肥腻, 伴以酸甜苹果蓉一齐食, 咸中带点甜, 虽然肉味唔算好出, 但肉质系几爽口
另一款主菜点了呢款美国一级牛小排(七成熟)配手指薯, 红菜头蓉及青胡椒汁 ($248)
0 浏览
0 赞好
0 留言
已切好一件件, 肉质超多肉汁, 点少少红菜头蓉食, 食到红菜头既甜味加上牛小排既肉汁味, 又系几唔错既特别配搭; 佢既薯仔都好味, 唯炒菠菜食落有`D"老身"感觉, 其他既炒杂菜亦少少偏油, 呢度有D影响!
美国一级牛小排
2 浏览
0 赞好
0 留言
甜品亦可以由甜品餐单度选择(原价减$20), 既然呢度有法式班戟散叫, 咁就黎呢一客焦糖苹果法式班戟配雪糕
焦糖苹果法式班戟配雪糕
2 浏览
0 赞好
0 留言
以荞麦粉制成既法式班戟, 食起相黎比起坊间食到既偏干脆身, 苹果煮得腍甜, 配云呢拿雪糕一起包住食, 多重层次口感!
2 浏览
0 赞好
0 留言
呢客士多啤梨拿破仑千层酥, 3层酥皮, 中间夹住甜滑吉士酱加士多啤梨
士多啤梨拿破仑千层酥
0 浏览
0 赞好
0 留言
酥皮系自家制, 食落超香脆, 加埋唔太甜既吉士酱一齐食, 又系好味既!
餐饮点左呢杯拉晒花既LATTE, 水准合格!
6 浏览
0 赞好
0 留言
呢杯自家制朱古力特饮, 特别之处并唔系坊间用朱古力粉开, 而系真系用朱古力黎冲制, 饮落更有香浓朱古力味, 唔甜仲可以有挂杯效果, 喜欢朱古力既友人表示满意!
自家制朱古力特饮
4 浏览
0 赞好
0 留言
系楼上开餐, 可以用更抵价钱食到优质食物, 何乐而不为呢?!
张贴
