海潮食堂

营业中

休息中

🎈牛腩虾条煎米粉 $53喺炒米粉上面有个笑哈哈，真系会忍唔住影张相打卡先📸。米粉旁有两件炸虾条，仲有牛腩、萝卜、少量牛根。味道唔咸，少辣，几惹味。将牛腩汁捞埋啲炒米粉食😉，米粉香脆配埋够哂淋嘅牛腩牛筋一齐食，正。✦✦✦✦✦✦✦✦✦✦✦✦✦✦🎈葱花蛋治烘底 $27非常多葱花，所以葱味好突出，蛋够滑，再以烘底三文治🥪，非常脆。 厚身又大份，一份有两大件，午餐轻食之选🍽。如果顶唔顺葱味既朋友就唔好试呀。✦✦✦✦✦✦✦✦✦✦✦✦✦✦餐厅位于工业区中心，而且位置较近车站，生意都几旺。员工亦都好好客🥰，比人感觉好有亲切感，而且煎米粉上面有笑哈哈😊，好似同你打气咁，非常窝心。餐厅既款式唔系周围都见，可以话系独有。旧式餐厅非常怀旧，谂起小时候去过既餐厅，呢啲水准只有老店先有。