富山居 (裝修中)

讲起日本你会谂起乜嘢？寿司？拉面？关东煮？我会谂起居酒屋🏮⭕️大埔大元街市嘅美食广场，门口摆咗开满花嘅树，大大个红字写住———富山居⭕️最近好似开业唔算好耐，装修别致舒服😌菜单项目非常之多，洋食刺身定食小食等应有尽有✨⭕️串烧拼盘拼盘入面包括有冬菇、鸡软骨、鸡翼、芦笋牛肉同京葱鸡。冬菇划咗十字喺面，烧到软熟多汁🤤京葱烧到好香甜可口，再加埋嫩滑嘅鸡肉，少少咸多多甜💕最中意喺𠮶芦笋牛肉串，芦笋鲜嫩，唔起渣👍🏻烧到干身但又唔硬，好浓郁嘅牛肉味包住清甜嘅芦笋简直双重享受😎⭕️蟹味噌甲罗烧配鳕鱼干蟹味噌即喺调制过嘅蟹膏，而甲罗就喺指蟹盖。大大嘅蟹盖装满蟹膏再加上灵魂一笔嘅蟹籽，味道浓郁，滋味非常💯