Food Garden ETC (已結業)

虽然系通过开饭订位订2:30属于下午茶时段，不过见餐牌用紧类似午餐餐牌。环境系几chill，灯光明亮唔刺眼。由两点半坐到接近五点都由得你，气氛系适合成班同事肯俾多驶多些少钱食啲高质食物慢吹、讲吓办公室政治𠮶种。食物总体亦处理得相对精致。例如「田园沙律」角落一团白色物体骤眼睇以为水牛芝士，叉落去先知系至爱兼漏哂蛋黄汁嘅班尼迪蛋。随咗常见嘅火箭菜、青瓜、车厘茄之类謽，又加咗啲松子、核桃碎，佐料用黑醋、蛋黄汁，丰富成个口感。而粟米粒咬落烟烟靭靭似糯米粟。田园沙律都要显示不平凡。另一款前菜「南瓜汤」冇咁花俏难以太多着墨，但幼滑南瓜天然香甜味配以没烘㶶而脆的小片多士亦唔输蚀。揾唔到理由唔试「鲜果冰茶」。厚切西柚入杯，底蕴亦系鲜西柚汁，微甜与微苦之间。饮管米造，随住时间流逝、吸收杯内湿气会慢慢变曲，咬了一啖，有白米嘅天然甜味，钟意就食埋。「蒜香蟹肉大虾意粉」蟹肉冇碎成茸，反而系一旧旧小块似由蟹钳抽出嚟嘅形状，食到蟹嘅鲜味。「炸鱼薯条」唔似用鲶鱼，反而似鲽鱼口感，炸脆后亦无损鲜鱼味及其嫰滑。倾倾吓薯条过咗两个钟食都继续脆。「法国春鸡」都唔驶用手掰开，肉质幼嫩用刀叉都轻易切开。