滿屋廚房 (已結業)

食过钻石山分店，感觉不错，食物水准正常，价钱相宜。同朋友系黄埔简简单单食个lunch，朋友想食海南鸡饭，就拣左full house。黄埔店系自助形式，先行入座，拣好食物再出去购买。想赞一赞店舖嘅餐牌设计，简洁易睇，食物相吸引。有饭脚嘅好处就系可以试多啲小食。炸薯条($28)看似同东南亚野食格格不入，但我地突然口痕想食，亦都好彩有叫到呢个意外惊喜。新鲜炸起嘅薯条热辣辣，食唔停口。大大份，再点上蛋黄酱，即刻想黎一杯啤酒。东南亚风味拼盘($58)，有蔗虾、鱼饼同金丝虾卷，各三件，都几抵食。鱼饼重香茅味，点上泰式辣酱十分惹味。金丝虾卷香脆可口，大人小朋友都中意食。蔗虾相对比下去，虾肉未够弹牙，若更新鲜会更好。朋友点嘅海南鸡饭($68)，比想像中好味，鸡肉嫩滑，点上姜蓉、酱汁，再配上黄油饭，又几惹味。黄油饭略为松散，但无损味道。我点左鲜茄焗厚切猪扒饭($72)，卖相同某连锁快餐店十分相似，个人更加喜欢呢个味道。铺面嘅芝士，同蕃茄酱配搭恰到好处，带出香味又唔怕饱滞。蕃酱味相对清新，无咁膏状，捞埋炒饭底食特别惹味。厚切猪扒的确大大块，味道不俗。呢个价钱系黄埔区食到呢个质素嘅东南亚食品，都几合理抵食。