山旮旯 (已結業)

今日睇完跑马，突然之间有D肚饿，想去揾野食，过左对面马路个间医肚先！呢间餐厅个名好特别，唔识读，叫“山旮旯“,虽然唔知咩解释，但几特别！再加上装修似欧洲式建筑小木屋感觉！好RELAX！讲番食物先，今次叫左个莎莎蕃茄酱墨西哥烤脆片，配上液体芝士，更加香浓！咬落啖啖都有芝士！再加洋葱炒后质感口感好正、份量亦都可以半饱！之后再叫左个香葱蒜烧春鸡，卖相好美观再加上好大只！食完真系可以饱肚、烧春鸡肉好滑，片小小带脆口，内里肉好嫩！再叫左叫一杯COCTAIL，名字叫“流星花园”,好有柠檬带黎既清新既感觉，仲有佢既鸡尾酒名都系好特别，包括好特别的叫，猪奶、掰金夫人、金苹梅、毛字通，最后仲有大家都想成为既柚钱人啦！