影片
更多
2025-01-09
275 浏览
当晚餐与灯光、音乐和现场表演交织，食物虽然唔系唯一主角，但 Meta Stages 成功营造出视觉同味觉嘅双重享受！🎤 由优雅嘅琴声🎹到深情演唱经典英文歌，气氛如梦如幻，令人沉醉其中。未来仲话会有劲歌热舞同猛男表演💃，非常期待！餐厅主打氛围，食物表现稳定，适合同朋友、情侣一齐嚟享受一个难忘嘅夜晚。以下系逐道菜嘅介绍👇：______________________________*冷切熟火鸡配曼越果蓉 • 冷切丁香柚子蜜糖烤火腿 • 羽衣甘蓝沙律配黑醋汁*🦃头盘以火鸡肉搭配酸甜嘅曼越莓果蓉，再配上丁香柚子蜜糖烤火腿🥗，简约但有心思。火鸡肉切片厚薄适中，口感结实不柴，果蓉嘅酸甜感为整体味道带嚟一点清新。火腿轻带蜜糖香，搭配羽衣甘蓝沙律嘅黑醋汁，开场唔错。______________________________*原罐西伯利亚鲟龙鱼子酱 • 胡桃果忌廉汁蟹肉意大利粉* 🛢️鱼子酱以原罐呈上，粒粒饱满闪亮，咸香浓郁，系唔折不扣嘅“黑金”享受✨。蟹肉意粉加入胡桃果忌廉汁，带出坚果嘅香气，质感细腻。虽然鱼子酱同意粉两者搭配可带来奢华嘅享受，但我比较喜欢分开食会更能品尝食材本味。__________
当晚餐与灯光、音乐和现场表演交织，食物虽然唔系唯一主角，但 Meta Stages 成功营造出视觉同味觉嘅双重享受！🎤 由优雅嘅琴声🎹到深情演唱经典英文歌，气氛如梦如幻，令人沉醉其中。未来仲话会有劲歌热舞同猛男表演💃，非常期待！餐厅主打氛围，食物表现稳定，适合同朋友、情侣一齐嚟享受一个难忘嘅夜晚。以下系逐道菜嘅介绍👇：______________________________
*冷切熟火鸡配曼越果蓉 • 冷切丁香柚子蜜糖烤火腿 • 羽衣甘蓝沙律配黑醋汁*🦃头盘以火鸡肉搭配酸甜嘅曼越莓果蓉，再配上丁香柚子蜜糖烤火腿🥗，简约但有心思。火鸡肉切片厚薄适中，口感结实不柴，果蓉嘅酸甜感为整体味道带嚟一点清新。火腿轻带蜜糖香，搭配羽衣甘蓝沙律嘅黑醋汁，开场唔错。
______________________________
*原罐西伯利亚鲟龙鱼子酱 • 胡桃果忌廉汁蟹肉意大利粉* 🛢️鱼子酱以原罐呈上，粒粒饱满闪亮，咸香浓郁，系唔折不扣嘅“黑金”享受✨。蟹肉意粉加入胡桃果忌廉汁，带出坚果嘅香气，质感细腻。虽然鱼子酱同意粉两者搭配可带来奢华嘅享受，但我比较喜欢分开食会更能品尝食材本味。
______________________________
*蚬 • 海虾 • 带子 • 意式海鲜汤* 🍤蚬、海虾、带子浸系橙红色嘅海鲜汤中，视觉效果一流。汤底浓郁，带子鲜嫩，海虾爽口弹牙，蚬肉鲜甜冇沙，整体食材新鲜，汤品带出浓厚嘅海洋气息。
______________________________
*烤豚骨髓 • 烤橡果饲依比利黑豚肉眼 • 焦糖甘栗* 🐖✨烤豚骨髓嘅浓香又油滑，系比较特别嫁菜式, 有意外惊喜。依比利黑豚肉眼经橡果饲养，肉味浓郁，肉汁丰富。焦糖甘栗嘅微甜为菜式增加层次感，整体表现亮眼，份量多点会更加分。
______________________________
*松露碎饼烤西班牙马介休鳕鱼柳 • 佛手柑南瓜忌廉汁* 🐟铺有松露碎饼嘅鳕鱼柳香气扑鼻。鱼柳外层微脆，内部鲜嫩，佛手柑南瓜忌廉汁带微微果香，卖相精美，口感层次丰富，系一个唔错嘅主菜选择。
______________________________
*黑朱古力布朗尼 • 覆盆子慕斯 • 杂野莓 • 覆盆子果蓉* 🍫🍓黑朱古力布朗尼浓郁而不腻，配上酸甜适中嘅覆盆子慕斯。鲜杂莓点缀令卖相更具吸引力，为晚餐画上一个甜蜜嘅句号。
______________________________
*总结：气氛一流，值得一试！* Meta Stages 主打独特气氛，音乐与灯光将餐厅化身为一个梦幻舞台，系难得嘅感官体验💫。食物表现稳定，豚骨髓系有惊喜。呢度适合同亲朋好友一齐感受一场既有美食亦有娱乐嘅华丽夜晚，值得一试！🍴✨
张贴
