Goobne Chicken (V Point)

营业中

休息中

再次光临韩国烤鸡店呢间烤鸡店其实都食过好几次，但铜锣湾分店今次第一次光顾，我同朋友两个人，店员好好安排左一个角落海景位俾我地，有景睇心情都大好我地两个人叫左三样野，有铁板软芝士甜辣烤鸡，砂锅鱼糕汤同埋韩式炒牛肉粉丝铁板软芝士甜辣烤鸡平时都叫开，因为d芝士实在太邪恶咁好味，我直头觉得好食过d烤鸡，芝士上面仲铺满一层又浓又香既甜辣酱，加埋鸡肉油香简直系三重滋味。咁鸡黎讲当然都好食啦，最正就系鸡皮薄得黎烤到好香脆，咬落直头有声咁脆，食落唔会肥淋淋。砂锅鱼糕汤都系必点啦，个汤又鲜又甜，有白罗白既甜味，加埋辣椒同埋胡椒粉既少少辛辣味，愈饮愈好饮。加上有不同种类既鱼糕，非常丰富。韩式炒牛肉粉丝好大碟，份量好多，好多配菜，有牛肉、磨菇、青椒、甘笋、云耳。粉丝好香麻油味，酱油又甜甜地咁好开胃。