影片
更多
2018-08-12
3567 浏览
近年屋企人爱上假日嚟呢度饮茶， 贪佢近屋企方便就脚，而且自从可以用手机App攞筹之后，等候嘅时间易掌握得多，唔使等到傻😅。我地钟意嚟呢度饮茶嘅原因系呢间仍然源用推家仔点心，可以边食边选择， 钟意食乜就叫乜， 唔使一次过决定，又唔使等。有次有个貌似大厨嘅人物走出嚟跟茶客聊天， 佢同我地讲厨房有十几个点心师傅，所以佢地嘅点心好新鲜同比较精致。咁多款点心我最钟意就系佢地嘅煎堆， 真系即炸出嚟，个个圆碌碌涨卜卜😍😋其次就系沙翁喇， 呢两款点心都系限量供应，差唔多一出就冇哂，绝对系手快有手慢架😉蒸点心我就钟意糯米包同大虾烧卖细佬就最钟意食车仔档野，所以牛杂同饱汁凤爪就啱哂佢喇。细家姐同妈咪最爱煎炸野，每次必点芋角同炸云吞。如果食完都未饱，大可以加个荷叶饭或蒸饭架最后仲可以食埋甜品先走， 佢地嘅双皮奶都好唔错，但又系成日冇嘅，可遇不可求！上茶楼饮茶食点心始终系香港人嘅习惯，特别系同屋企人，得闲饮茶食点心之外，仲可以倾下计，增进下感情架👍
我地钟意嚟呢度饮茶嘅原因系呢间仍然源用推家仔点心，可以边食边选择， 钟意食乜就叫乜， 唔使一次过决定，又唔使等。有次有个貌似大厨嘅人物走出嚟跟茶客聊天， 佢同我地讲厨房有十几个点心师傅，所以佢地嘅点心好新鲜同比较精致。
咁多款点心我最钟意就系佢地嘅煎堆， 真系即炸出嚟，个个圆碌碌涨卜卜😍😋
其次就系沙翁喇， 呢两款点心都系限量供应，差唔多一出就冇哂，绝对系手快有手慢架😉
蒸点心我就钟意糯米包同大虾烧卖
细佬就最钟意食车仔档野，所以牛杂同饱汁凤爪就啱哂佢喇。
细家姐同妈咪最爱煎炸野，每次必点芋角同炸云吞。
如果食完都未饱，大可以加个荷叶饭或蒸饭架
最后仲可以食埋甜品先走， 佢地嘅双皮奶都好唔错，但又系成日冇嘅，可遇不可求！
上茶楼饮茶食点心始终系香港人嘅习惯，特别系同屋企人，得闲饮茶食点心之外，仲可以倾下计，增进下感情架👍
张贴
