Daddyos (已結業)

4人去食饭日,近近地系中环食,想揾一间可以坐得耐.平平地,又要d野几好食既地方...有点难..即想起有fd介绍过喱间唔错,于是就去试下了。去到7点几到,好彩仲有位,细细的一间舖,不过d位都坐得几舒服唔会好迫,气氛感觉上唔错,叫左几个主打食物。烟肉芝士肉汁焗薯条,好浓郁既芝士味,加上有烟肉同肉汁之下食落更加滋味,粗薯条够热好味呀。经典希腊/夏威夷薄饼,要左两个口1味,每样一半。经典希腊薄饼,卖相色彩缤纷,有免治牛肉、青椒、洋葱、番茄、洋葱、橄榄及希脂芝士,味道浓郁香口,有橄榄味道更清新芳香,唔会漏既感觉,唔错,不过系个饼底有点硬似饼干。夏威夷薄饼,有火腿、菠萝外、洋葱、烟肉、青椒,食落味道清新又醒胃。烧烤嫩猪仔骨,肉份量都算几多,肉质够嫩,口感松化,好香口又惹味。义大利烟花女面,辣味银雪鱼柳黑榄茄汁意粉,食落酸酸地,茄汁味浓郁,味道都几辣架,好好味,意粉少少腍,不过唔多食到有银雪鱼柳,太少了。以中环来讲,算几平呀,同食物唔错,最好食系个意粉,环境都几好,坐好耐吹水都得,生日饭之选,因为都系细既舖,full晒都真系嘈左少少既.....如果钟意热闹就岩晒。