雲長小龍坎老火鍋 (已結業)

今日黎到尖沙咀打边炉，比我地食到间质素唔错既麻辣火锅店。一开始店员会送上凤爪作餐前小食。佢地用自助酱料区形式去做提供酱料,另外每位客人有一樽芝麻红油提供，根据职员介绍，芝麻红油加上生熟蒜，蚝油，葱，食盐同黑醋系一款四川人好钟意系麻辣火锅时用既酱料，听闻有助解辣，我怕酸冇落醋但的确啲油包住食物系冇咁辣。黎到食麻辣锅，汤底当然好重要啦，红油药膳鸳鸯锅，一边麻辣，一边系药材既甘甜，一阵叫埋冻豆腐同响铃等食物非常惹味。打边炉当然要有肥牛，呢到手切牛份量普通，厚薄适中。龙哥牛肉卷，用上鲜滑牛肉卷住皇帝菜，口感外软内脆，同时放辣汤的汤，蔬菜吸收左汤味真系辣得好过瘾。手打墨鱼丸，弹牙加上好重墨鱼味，质素优质。即炸紫菜响铃，系响铃卷中间夹左紫菜，即食又得，浸汤食又有另一番风味，中间紫菜的确增加左响铃层次。最后有职员推介蟹粉福袋，系期间新品，中间有虾肉同大量蟹粉，食落鲜味十足。系埋单之后，店员会送上沙冰，系打完边炉后下一下火，的确饮到个人舒畅晒。总结我本人十分推荐钟意食麻辣火锅既朋友黎呢到一试，因为汤底的确唔差，药膳煲同麻辣煲都好适合浸汤类食材，大部分食材质素系合格以上，另外店员态度友善，唯一可以改进系