港澳義順牛奶公司 (已結業)

每次行经佐敦都会念起澳牛，今日谂住去帮衬下，点知因为疫情关系摸门钉，唯有系附近再行下睇下有咩好食，行咗去隔离街就见到义顺，谂谂吓又真系好耐冇食过双皮奶，所以就入咗去振兴经济喇。😝餐牌选择唔系话好多，价钱中规中矩。驰名双皮炖奶 ($36) : 自己钟意食冻既，双皮奶够哂滑，而且奶味超浓郁，尤其系表面果层衣，每食一啖之后，口腔重会散发阵阵浓郁既奶香，真系超级正呀。😍 冰花炖鸡蛋 ($28) : 食一款唔够喉，所以心郁郁试埋第二款 😝 今次侍应叔叔话热食正啲，所以就叫咗热，炖蛋同双皮奶比就逊色咗少少，蛋味唔够浓郁，不过味道都唔差。