翔龍拉麵小籠包 (已結業)

位于亚太中心既翔龙系apm隔离都几就脚。庆祝母亲节，预先订呢间小笼包食。book咗六点半，因为七点打后都book满晒，六半既时候既话都唔算太多人，佢哋留咗一个卡位俾我哋三个，位置都算舒服。三个人总共买咗四样小菜，有啲太饱呢度嘅小笼包非常之唔错，皮薄，里面嘅肉汁都非常之好味，我哋嗌咗六只三个人食。其他三样菜，分别系上海粗炒、煎薄饼、同埋津白菜锅。呢样就普通咗啲，但系胜在价钱合理，份量亦都唔细。荞麦茶好味！