翠華冰廳 (已結業)

原来荃湾广场都有一间翠华，而呢一间翠华唔系翠华茶餐厅，喺翠华冰厅，个位都几入要仔细揾先揾到！仲有面包卖，做紧买二送一优惠～里面餐牌选择都算几多，我哋钟意食啲基本野，所以就算夜晚都系食啲粉面为主啦。浓厚鲜茄生滚牛肉通粉拼火腿炒蛋炒滑蛋牛油多士$56牛肉质素都算唔错，最主要就系份量都几够多，蕃茄味道都新鲜，汤底里面仲有啲胡椒香味。牛油多士够松化，炒滑蛋味道清淡口感香滑。啱啱𠮶个餐就包一杯热饮品，我哋就拣咗热奶茶都几香滑，好饮过自己屋企冲好多㗎！另外叫多款淀粉质类秘制猪软骨QQ米粉$45猪软骨size比想像中大嚿好多，不过比较多肉所以可能食起嚟就硬身少少，同埋味道整体较为咸香，米粉质感就比较特别有少少似食面，不妨过嚟一试。