翠華餐廳 (已結業)

今次同朋友去九龙湾海滨公园，之后去咗海滨汇2楼嘅翠华餐厅食饭，依度环境好大而且装修好靓，仲有好多落地玻璃睇到外面嘅靓景。今次叫咗香煎T骨牛扒、韩式温泉蛋牛肉石锅饭、豚肉炒粉丝、蓝豆花柠檬茶、柚子柠檬梳打、柚子柠檬茶、黑松露野菌滑蛋牛角包、奶油脆猪及生磨蛋白杏仁茶。香煎T骨牛扒超大块而且煎得好香口，配菜有烤西兰花及烤蕃茄，加埋薯条真系好大份及好味。韩式温泉蛋牛肉石锅饭超有韩国风味，牛肉加埋温泉蛋及其他韩国配料及蔬菜，石锅里捞饭食，每一啖都有唔同嘅质感及口感。豚肉炒粉丝就用咗韩国传统做法，韩国粉丝索晒汁嘅味道， 兼好有咬口，豚肉亦都好有韩国嘅腌料味道喺入面。黑松露野菌滑蛋牛角包，黑松露及野菌有好多，而且蛋炒得好滑，夹杂住黑松露野菌及牛角包一齐食，每一口都有唔同嘅质感。奶油脆猪系其中一个翠华招牌菜，猪仔包就外脆内软，面头加上鲜奶油份外好味。生磨蛋白杏仁茶系其中一款比较特别嘅热饮，好啱女士饮用，蛋白加上杏仁特别养颜。蓝豆花柠檬茶、柚子柠檬梳打、柚子柠檬茶都好靓，绝对系打卡之选，而且每一杯都清凉解渴。