清玉 (已搬遷) 新店位置

约咗朋友系旺角见面，人未到，仍有时间，揾下野食；上次试做茶汤会，今日就试下隔离个间#清玉好茶 ，依家已有4间分店，应该就唔差嘅～今次决定挑战下新野：翡翠柠檬茶！其实我唔太知咩黎嘅，不过天气咁闷热，一于就试下啲爽凉嘅饮品；个人喜好，苹果干我就要咗少冰走糖。人流都唔算多，大约5分钟到就有野饮啦！第一啖饮落去，真系xxxxx！好酸呀，口腔黏膜好似即刻皱晒咁😂问咗店员翡翠系茶，所以杯野饮就系柠檬茶～😂😂可能系因为我走糖所以个啲酸真系劲；一试难忘🙈店家采取天然庶糖配上屏东新鲜柠檬（每日都系新鲜榨出）够晒天然健康，茶味反而饮唔太到，可能啲柠檬太劲啦；但饮到后来，口中系会有啲涩味。当然，我觉得咁酸好有可能系因为我走糖嘅缘故（所以大家唔好走糖呀🙈）如果有番甜味杯野饮系会好饮好多嘅！新鲜榨嘅柠檬汁，咁多维他命C，对皮肤好，为咗靓，酸啲都饮！（P.S：店铺每日优惠有不同优惠，唔同日子亦有特定饮品优惠）