影片
更多
2018-08-31
3291 浏览
约咗个老朋友食饭，想试吓西班牙菜，近年前前后后都试过好几家，几间嘅质素都唔差，不过，小弟喺九龙人，朋友亦喺九龙人，当然，无必要过海，故此，拣咗奥海城嘅「Cocina 3」，一来近地铁，二来年多前嚟食过，知道抵食又有质素，为求稳阵起见，就一于再翻兜。奥海城都算嚟得多，所以，就算「Cocina 3」位处三期𠮶边，都好易揾到。餐厅装修摩登、型格，门面有种酒窖嘅感觉，内里楼底高，空间大，一室红皮椅，甚有西班牙风格，播放住轻音乐，让气氛轻松。餐厅尾喺酒吧区，以高脚枱櫈为主，啱晒嚟轻酌；推门出外，仲有啲露天位，方便带宠物嘅客人。本来今次再访就唔打算影餐牌，但发觉原来加入咗好多菜式，如意粉、甜点，所以，就再影多次餐牌俾大家参考，包括：汤品、沙律、西班牙小食、薄饼、石烧牛扒及海鲜、主菜、火腿片、意粉、拼盘及甜品，餐牌印刷精美，部份菜式更附有图片作参考。佢啲西班牙小食选择十分之多，所以，都以食西班牙小食为主，上次就试过「西班牙炒辣肉肠」、「西班牙香烧乳猪仔」及「马德里烩蓝蟹肉配香脆多士」，今次都以西班牙小食及一啲新菜式为主。依家餐厅更特设牛扒菜单，美国西冷、肉眼就唔在讲，仲有西班牙黑豚、阿根廷牛，甚至近
奥海城都算嚟得多，所以，就算「Cocina 3」位处三期𠮶边，都好易揾到。餐厅装修摩登、型格，门面有种酒窖嘅感觉，内里楼底高，空间大，一室红皮椅，甚有西班牙风格，播放住轻音乐，让气氛轻松。餐厅尾喺酒吧区，以高脚枱櫈为主，啱晒嚟轻酌；推门出外，仲有啲露天位，方便带宠物嘅客人。
本来今次再访就唔打算影餐牌，但发觉原来加入咗好多菜式，如意粉、甜点，所以，就再影多次餐牌俾大家参考，包括：汤品、沙律、西班牙小食、薄饼、石烧牛扒及海鲜、主菜、火腿片、意粉、拼盘及甜品，餐牌印刷精美，部份菜式更附有图片作参考。佢啲西班牙小食选择十分之多，所以，都以食西班牙小食为主，上次就试过「西班牙炒辣肉肠」、「西班牙香烧乳猪仔」及「马德里烩蓝蟹肉配香脆多士」，今次都以西班牙小食及一啲新菜式为主。
依家餐厅更特设牛扒菜单，美国西冷、肉眼就唔在讲，仲有西班牙黑豚、阿根廷牛，甚至近年新兴兼大热嘅斧头扒都有得供应，牛扒迷之福咯。
饮品方面，佢哋都有超多选择，鸡尾酒嘅款式多不胜数，而啤酒、烈酒、西班牙果酒当然唔少得，唔饮得酒嘅朋友都唔使担心，非酒精类鸡尾酒、果汁、汽水一样有供应。部份更有分非欢乐时光（N.H.）及欢乐时光（H.H.）价钱，以9:00pm作界线。
墨西哥脆片 $40不过，有一样嘢明显转变咗，上次嚟喺无嘅，依家就惠顾晚市，每枱附上墨西哥脆片，两人一份，如此类推，等同上中菜馆嘅酸菜小食收费。抵唔抵就见仁见智，在乎你钟唔钟意食，因为呢份芝士味墨西哥脆片喺可以无张添加，而且，食落脆口，又唔会好似啲薯片得个咸字，更伴以自家制嘅酸忌廉酱。
Strongbow Gold Apple、Strongbow Elderflower $46（欢乐时光价）友人跟我同样喺唔多饮酒嘅人，不过，我都推介佢试吓呢一款轻度酒精嘅Apple Cider，上次我嚟都喺饮佢，嗌两支三个人共享都无问题。两者色泽都喺金黄剔透，而贪佢入口够清爽、酒精度又低，前者则有点青苹果嘅果香嘅果香味，后者就有点花香及青柠味。
古秘鲁海鲜沙律 $108沙律有4款，以呢一道新菜式最有吸引力，曾晌中环嘅「Picada」食过一道类似嘅菜式「Peruvian Ceviche」，喺以是日鱼鲜混合秘鲁蔬菜做嘅秘鲁菜。而呢一道「古秘鲁海鲜沙律」就以大虾、八爪鱼、海鲷伴以沙律菜及车厘茄，再淋上大量橄榄油及洒上香草而成，用料无欺场，大虾好爽弹、八爪鱼柔韧好食、海鲷软滑有油香。如果嫌未够酸香，侍应放低支葡萄醋，可以自行添加再作调味。整体上，个人就建议橄榄油可以落少啲，唔使浸晒底，而海鲷切粒食起嚟一口一粒感觉更好。
古秘鲁海鲜沙律
$108
9 浏览
0 赞好
0 留言
西班牙正宗奄列 $68呢几年由于西班牙菜大热，连带小弟都食多咗，故西班牙奄列都试过唔少，但「Cocina 3」所做嘅奄列就可谓别树一格，与惯常所见嘅蛋饼形完全唔同，而喺煎得比较实净啲，再切成一件件咁。味道又唔错㖞，内里混有薯仔粒、洋葱、西班牙辣肉肠，惹味而富口感，唯一就喺试唔到鸡蛋嘅嫩滑及流出蛋浆嘅滋味。
墨西哥鸡肉卷 $82有啲意外喺竟然将墨西哥卷当为一种西班牙小食，而小弟对西班牙小食嘅认识，喺西班牙人正餐前同朋友饮吓酒，食吓嘅小食，细细份，细细口咁，但呢道墨西哥鸡肉卷就大大份，仲伴埋炸薯角，睇见都饱肚呀，哈哈！件鸡肉卷超好食，外皮软软哋却又有韧劲，馅料劲多，鸡肉、洋葱、沙律菜、灯笼椒……等等材料，多到泻出嚟，好有口感，而且，酱汁非常香浓惹味，辣辣哋好醒胃，值得推介嘅新菜式。
墨西哥鸡肉卷
$82
6 浏览
0 赞好
0 留言
西班牙传统陈醋烩猪仔脾 $128喺店家推介嘅菜式，曾经晌其他店食过呢款菜式，所以，特别推介俾老友。虽然，煮出嚟个样「黑古勒突」，但𠮶份陈醋渗出嚟嘅酸甜味实在好正，越食越开胃嘅感觉，配以烩得松化嘅猪仔脾，质感软腍，简直一流。一客有3支猪仔脾，啱啱好。此外，好钟意佢哋晌好多菜式都加入大量野菜或沙律菜，呢一道都无例外，等我哋食得肉多都可以揾啲蔬菜嚟平衡吓。
西班牙传统陈醋烩猪仔脾
$128
28 浏览
0 赞好
0 留言
张贴
