梨滿園韓國料理 (已結業)

早一日订位，预订可优先坐卡位。个炉板几好烧，唔易黐底，限食90分钟内换咗两次算系少。收得成人晚市每位$26x，小童$16x左右。唔能够期望有华丽装潢，并且个抽气喉亦都大概只能抽走五成油烟，所以食完会预咗一身油烟徐。不过俾啲肉份量唔少亦非下栏嘢，仲要有啲三文鱼刺身片食吓，只系鱼生等咗45分钟先上菜。首轮送嚟嘅牛肩肉同牛板腱肉都肥瘦有致易啮开，惜后劲不计，之后几回送嚟开始愈嚟愈靭冇咁好牛味了。然而牛仔骨就keep住好食，少少肥肉黐住大大片瘦肉，烧起嚟唔鞋口，叫咗三回。值得一提系韩式蛋卷，卖相唔美艳，但食到有啲蛋汁香溜溜，卷埋啲紫菜几creamy又唔太咸，于是叫咗两回。炒粉丝又系样丑黐埋一堆但唔太油几够味。以小型韩烧放题嚟讲质素算系交到差。