幸圓

营业中

休息中

我最钟意就系食日本鱼生，但系最近疫情持续都冇得去日本旅行，朋友介绍北角附近有间食日本菜嘅餐厅。中午就朋友去试咗佢嘅幸圆极上鱼生丼，鱼生丼上面铺满了飞鱼子、北寄贝、油甘鱼、 甜虾同八爪鱼。 鱼生嘅质素好好，北寄贝、八爪鱼都好有口感，好弹牙。我就食海胆三文鱼亲子丼，亲子丼里面装咗雪白的米饭 ，上边铺满肥美嘅三文鱼、三文鱼鱼籽 ，海胆 ，紫菜，生姜。 海胆好甜美，三文鱼好新鲜，鱼籽一粒粒食落脆卜卜， 配合埋带海水味嘅海胆，同鱼生饭一起吃，感觉一流。没甜品点算完美嘅一餐？ 最后我哋要咗一个士多啤梨芝士奶盖牛角包窝夫作为饭后甜品 。窝夫卖相精美 ，黑色嘅平碟上边装咗一个脆卜卜嘅窝夫 ，窝夫上边淋咗 cream，cream上边系一片片嘅士多啤梨，同埋一朵紫色嘅花用嚟装饰 。另外配埋一个粉红色嘅士多啤梨味雪葩，装在小碗里非常别致。食完呢个鱼生饭同埋甜品之后，感到好满足，就当去咗日本旅行啦。