Lagom Kaffe (已結業)

对上一次黎好似已经都系一年前圣诞前后嘅时间，难得过黎观塘呢边，梗系过黎翻挞呢间高质cafe。门面唔使多讲，木系简约风格，仲写住可接受private booking，附近返工嘅朋友可以考虑黎呢度搞teambuilding。铺头内都一如既往咁坐得好舒服，伴随住柔和嘅音乐，一杯咖啡加一本书应该可以喺度坐一个晏昼。今次下午时间黎，未食中午饭黎个all day breakfast就完美了，份量依然十分足够，烟肉同肠仔焦香夹住面包食又可以当三文治咁食。跟手黎到甜品tiramisu，夹住中间嘅手指饼带出甜而不腻嘅口感，绝对适合想食甜野又怕太甜嘅朋友。最后就系呢个Oreo 牛角包窝夫，牛角包大家就食得多，夹住Oreo同雪糕一齐食相信就比较少见，但系偏偏佢地嘅味道又好夹绝对比到惊喜大家。一年后嘅水准依然保持到，抵赞