老地方 (已結業)

Item: 老地方
Rating: 3
Author: 奥志雷

3.5

34 食记

味道

环境

服务

卫生

抵食

300

大埔

$50以下

港式

奥志雷

等级4

2.1K

路过见有位就是但啦，最紧要快唔洗等。都有好几个月无黎帮衬喇，每次只为热辣辣明炉车仔面之麻，我觉得无咩分别。平靓正，快夹爽，简单好味，饱肚扺食 ﹗ 坐低左一段时间都人理，左望右望、上望下望，有点想离开既冲动，幸好侍应阿姐发现到我，终于走过黎招乎我喇，仲帮我落埋单添，thank you ﹗

之后发现原来依家转左自助落单，即系要自己写单再交比职员㖞，都几搞笑㖞 ﹗闻所未闻，Good idea ﹗减省人手，其实同车仔面、酒楼点心剔 order 纸同样道理，但依家系要续只字手写啰。见大部份食客都唔知道要自己写单，有些食客等得唔耐烦，无侍应招呼落单，黑面气愤地离开 ﹗

老地方全新 menu 除保留原有佳肴外，还加左好多新菜色添，而且设计精美，美沦美涣。干干净净，揭多几页都唔会抗拒啦。新 menu 比以前企理好多，颜色又鲜艳、干净而且包装精美，真系唔食都睇多两眼啦。

冻柠乐，突然好想饮，刚做完运动好颈渴呀，饮冰冻汽水就特别爽啦，一次半次唔会肥既 ﹗倒下可乐，听到冰粒跳舞既声音，豪气地大啖一啜，冻到打冷震 ﹗爽爆 ﹗

大去骨白云凤爪大辣，食完先知可以 order 细碟。都唔知侍应阿姐有无落错单，我要大辣但只系微辣乍㖞，而且又唔够酸又唔够冻凉，凉拌唔冻都唔叫凉拌啦 ﹗凤爪皮肉均爽脆，不酸不辣又唔入味，仲要温度跟室温差不多，味道及香气即时大打节扣。

泰式小食并盘，大部份为炸及香茅坚热气啰，几乎每次必食，只因无选择又唔比散叫。香茅鸡扒，有惊喜㖞 ﹗鸡扒最好食，皮脆肉嫩，腌得入味刚刚好，浓郁而不过份，炸得香口，肉汁澎湃够水润，好味道。肉汁喂饱每颗味蕾，香口惹味，香茅味道突出而不过份，女友同我一样咁喜欢，拍晒手掌。

香茅猪扒、炸鸡中翼有点失色。香茅猪扒鸡中翼一样偏咸，炸得过火，又干又鞋，口感干硬，味道麻麻地，免强入得口，不过干硬鞋无得救。碳烧猪颈肉，远近驰名招牌猪颈肉，坚称自家续块碳烧 ﹗香甜味美保持高水准，软棉爽口又多汁。渗著微量肉汁，好味道。腌得入味带碳烧香，口感咽韧，松软中带点赵口及肉汁，皮香肉嫩啖啖肉，大满足 ﹗真系好味架㖞，无揾笨。

招牌猪颈肉真系好好食呢，腌得入味无过咸过呛，吃得到原汁原味，泛著微微肉汁不太干，质地腍得黎又不失赵口。依个并盘跟泰式鸡酱唔系好夹，可以试试鱼露、青柠酱、青瓜汁，较清淡点会更好，成盘炸野已经好油腻啊，滞滞感觉浓厚 ﹗上次女友大赞鸡扒好味道 ﹗今次专登黎要添食，但见 menu 无得单叫鸡扒，唯有叫并盘啰。点解唔比单叫呢？

蒜蓉炒通菜，黎老地方必食炒菜，真系有镬气又鲜爽多汁，捞埋炸蒜蓉同干葱头一齐炒，非常浓郁又香口 ﹗其实我本身想食得清淡少少，清炒时菜都几好食架 ﹗发觉依度个厨师好钟意用炸蒜调味，不论汤粉面、炒饭炒面、炒菜炸物，都落唔小炸蓉，似乎用得太滥喇。

蒜蓉炒白菜，鲜爽多汁，靓菜有浓厚菜甜味，用金银蒜及干葱头炒得非常香口又够镬气，手功了得 ﹗一定要大束大束地食先食出精髓，好好食呢 ﹗老地方招牌炒菜无得输，香气传千里，高质时蔬发出天然菜甜味，爽嫩多汁，捞上炸蒜干葱更添风味 ﹗而且师傅炒功出众，时间掌握得游刃有余，坚好味 ﹗记住趁热食先食到极致美味 ﹗

蒜蓉炒菜芯，有镬气又好味又浓郁、菜芯爽脆多汁香甜味美 ﹗不过味道极浓缩，好快已有点腻滞感觉，蔬菜都系清清地好。女友又要迟半个钟，我已经劲好肚饿，唯有自己食住菜芯先啦。本来想食清点，叫清炒架，但上次食过麻麻地又炒到㶶晒，都系稳阵食蒜蓉算。用炸蒜加干葱炒，非常惹味浓郁香口，搭上菜芯清甜多汁充满大量水份味道刚刚好，好味道 ﹗完全消灭，一条都无剩，食晒 ﹗

冬阴功滑牛火锅乌冬，以前将所有配料连乌冬放晒系只镬度直接送到，一镬熟。依家转左用细煲仔，为左悭位？个煲容量应该放到三个乌冬满满的。另外将肉、菜、金菇、乌冬分开用碗上。可能唔想因为食客食得慢，怕食物过熟过腍或过硬挂。依家可以比食客自己撰择食咩先，依个改动都几好，good ﹗味道、质数都跟以前一模一样，但价钱加左十几蚊，份量仲好似少左添。

另类明火车仔面，多年黎都得到我全力支持 ﹗快狠准、平靓正、好食饱肚、充满力量 ﹗煲仔细细，但火更细，终于等到佢滚起喇 ﹗将所有豆卜、萝卜、竽丝、鲜菇、金菇、滑牛倒晒落去一镬熟，每样配料都索汤力出众，好食好食。

最底系乌冬，跟住成棵生菜，最上面金菇同鲜牛肉，永远不鞋不韧唔会老既牛肉，因为腌得都几利害，腍劈劈滑潺潺，味道中规中矩，不过浸上冬阴功汤即时好味左，酸酸辣辣好开胃。滑牛腌过乸过，质地腍得不自然，唯一好处系烚极都唔会变韧变硬啰，索左冬阴功汤既牛肉片好好味呢。生菜、金菇、鲜菇、萝卜、豆腐卜、芋丝配上又酸又辣既冬阴功汤，好食到唔停得口 ﹗菜多肉少又健康，生菜金菇爽甜、鲜菇滑滑弹弹又充满水份。萝卜煮透尽索冬阴功汤，一咬爆汁。系龙虾丸削了一点，好鬼粉。

乌冬要一滚即食，廉价乌冬溶点低，所以要非常留意时间，好易腍到夹唔到架，唔能够烚太耐架，滚起无耐就要即刻食，连酸辣冬功阴汤一齐扫入口，超正 ﹗我经验老到，好少会失手既，不过今次唔觉意煮耐左添，溶左少少，有点粉口啊 ﹗大力少少夹都烂，口感腍劈劈，sorry sorry。每条乌冬已经吸尽所有配料精华、香辣冬阴功，浸得完全透彻，每口恰似饮汤一样，好好味 ﹗

冬阴功肥牛火锅乌冬，次次都系酸辣冬阴功，好鬼闷呢 ﹗好想食咖喱汤底，多年前食过咖哩系比冬阴功更辣架 ﹗但居然取消左？非常失望，点解要取消美味咖哩汤底㖞，您地都系用咖哩胆开之麻，咖哩饭、捞丁面都会用到啦。

普通平价肥牛，烚完吸收左冬阴功既精华又几好味㖞，无想像中那么肥，部份脂肪已灼走左，而且脂肪位十分爽脆呢。虽然瘦肉有点鞋鞋地，不过肉味都几浓架㖞，满意。上次试左滑牛，腌得太利害，乸到腍劈劈。今次试肥牛啦，我最初想要咖喱汤底架，觉得佢应该比冬阴功更辣，但女友坚持冬阴功呢，无所谓。

以前系用镬载晒汤及生料送到，开火一镬熟架，依家转左用细煲，生料分开上，要续少续少烚黎食呢。有菜、菇、豆腐、芋丝、豆腐卜，全部都系索汁索汤高手，每一啖都充满浓郁酸辣冬阴功汤，好味啊 ﹗依个火锅健康得黎又非常好食，六十蚊左右价钱黎讲，抵食 ﹗

乌冬虽然系平价货色，烚得恰当再加上酸辣冬阴功汤都可以好好食架。乌冬滑嘟嘟又有点咬口难得几滑架㖞，大滚将乌冬烚开就差不多食得架喇，再烚就会溶到夹唔到。冬阴功汤已集齐肉味菜味菇味，味道十分丰富香甜，涌著乌冬一齐倒晒落肚，非常美味。先烚晒生料肴个靓汤底，最后才解决个乌冬。椰菜？比生菜我好过啦。

肥牛、什菇、什丸一镬熟，肥牛虽偏瘦，幸好味浓有嚼劲。其他配料均属大路平平，志在为汤底添味。酸辣冬阴汤加入牛肉味、什菜味、什菇味，令都味道更多恣多采，让乌冬索满汤汁齐齐倒入口，香浓味美加上乌冬滑溜非常，好味到震 ﹗全部食得干干净净，汤都无得剩。