源汁源味 (已結業)

因为受到尖沙咀新记餐厅麻麻地又贵既芝士捞丁既影响，所以迟迟都唔肯黎源汁源味试，不过今日心血来潮黎一探究竟，单拖睇睇咩料先。发现有两个舖位㖞，一个对住外街连厨房，另一个系商场里面无咩装修，放满细细张既枱櫈。鸡扒芝士捞出前一丁，有惊喜㖞 ﹗居然比起名牌新记餐厅好食百倍呢。芝士汁够浓够厚又热辣辣，份量足够捞晒整个出前一丁面添，仲有得拣大面或细面，面质软硬适中唔会太腍，挂起大量凶涌芝士浆卷住入口，黏黏的芝士味道浓厚，香甜味美，好满意。煎鸡扒腌得偏咸左少少，味道都可以，芝士连面连鸡一齐食可减轻咸度。虽然叫外卖自取送汽水，但始终堂食先最好味 ﹗