樂面牛屋 (已結業)

公司附近嘅嘢食雖然唔少，但係同事來來去去揀嘅餐廳都係果幾間，唔知咁多位辦公室打工仔係唔係都有呢個情況呢？上一次喺呢間餐廳有一個唔係太好嘅experience, 但everyone deserves a second chance🤷🏻‍♀️所以我也抱着戰戰兢兢嘅心情，嚟到呢間餐廳同同事食晏。我哋叫咗魷魚鬚，估唔到佢可以一雪前恥，真心係唔錯喎。外層炸得金黃酥脆，而且炸粉漿唔會太厚，裡面又煙韌彈牙。滷肉飯都OK ,最緊要係醬汁唔會太過鹹，味道剛剛好，配埋酸蘿蔔，食完都無咁膩。