奕 串燒料理 (已結業)

前排去铜锣湾做嘢，同同事去咗一间比较新嘅日本餐厅食lunch，叫奕， 午市定食有10款。我哋order咗碎葱吞拿鱼海胆丼，同埋汁烧鸡扒定食。 个碎葱吞拿鱼海胆丼真系好别致，睇得出厨师好有心机烹调，个饭根本系一个艺术品咁靓，绝对系打卡之选。海胆分量超多而且好新鲜，啖啖都系浓浓日本海胆嘅味道，而碎吞拿鱼亦都十分有鲜味，加埋配料同埋饭食，每一啖都好正。 而鸡扒就烧得恰到好处，个皮有微焦同埋金黄色，配埋鲜嫩嘅鸡肉又系食到停唔到口，如果有机会再去铜锣湾我一定会再嚟，试埋佢哋嘅晚餐质素。