祥興記上海生煎包 (譚臣道)

营业中

休息中

之前都帮衬过几次，佢啲生煎包系几好味，不过有时唔想食咁多肉，中午唔系好肚饿，就会想落嚟买碗汤粉丝。见佢有一款老上海双档粉丝汤，其实睇个名根本唔知佢系乜，试过就觉得都几好味，啲粉丝算系幼滑，不过份量真系唔够食午餐，可以加钱配埋生煎包。所谓双档，上网睇叫做百页包和有肉馅嘅面筋，其实我觉得几好味，同埋唔系成日见到有得食。见大家都批评佢哋嘅服务态度，我未比佢哋闹过，不过又真系从来冇见过啲员工有笑容。同埋呢间好似只收现金。