越不同

营业中

休息中

香港越南菜餐厅名好多都有个「越」字，以为呢间Viet Bu Tong响香港好多分店，原来只系得三间分店，仲要都系开响好Chill既旅游区 - 黄金海岸，赤柱同愉景湾。既然去Chill就先叫杯Cocktail，女侍应话呢杯Blue Cocktails $78系佢favourite，咁我就试下啦，由Rum，Vodka，Blue Curacao，Peach Schnapps，Pineapple Juice加Sprite沟成，饮落觉得有少少药水味，不过唔难入口...下次有机会我要试有Baileys沟果杯The Predator！越式芝士蛋夹饼 $88 馅料选了香辣肉碎，好大份，好多肉碎，微辣，芝士味都浓。但夹饼切成三份，中间果份只系两块蛋皮夹住肉碎同芝士，夹起就跌晒啲肉碎。而蛋饼个底边有少少透明物体，但放入口又好似可食用，我无考究系乜...因为已经呑左香辣老干妈猪腩肉汤河粉 $88 正㖞！猪腩肉唔系好肥，算系半肥瘦，老干妈沟埋个汤好好饮，唔会太辣，只系香口。