老二花廳 (已結業)

呢间Cafe位于旺角的楼上舖，位置非常不显眼，好容易就行过左。不过佢嘅环境同装饰都非常特别，有超过三个打卡位置，非常适合文青黎打卡。而食物方面，亦都冇因为环境而影响，可以话比我想像中好食。黑松露大啡菇意大利饭，HKD 118。菇非常大件，唔会苦。意大利饭方面，黑松露嘅味道已经渗入咗每一粒饭，所以就算冇乜材料，味道都好浓郁。非常强烈推荐！明太子薯条，HKD 55，每一条都好好食！饮品叫咗特浓朱古力，HKD 48。样貌就一流，打卡都一流，但系饮落去淡茂茂，唔够浓味唔够甜，同埋如果再大杯啲会好啲。总括而言，都系一个唔错嘅体验，下次有机会会去埋佢间分店，呢间主打港式风格，分店主打悉尼风格，期待。