客家好棧 (已結業)

约咗几位长辈食饭，佢话要来食客家好栈🙄其实佢地应该系想食舖位前身执左笠既鱼米之家😂老人家想食鱼所以呢就叫咗龙趸三味🙈即系炒班龙趸、蒜蓉蒸头腩、茄子炆龙趸。再加左半只鸡、野菌浸时蔬、胡椒猪肚鸡汤同埋冰镇咕噜肉排。胡椒汤唔够辣，多汤渣食，仲有胡椒粒同胡椒根但系都唔辣。半只鸡都几多肉够滑嘅，野菌浸时蔬啲干嘢菌好似未浸开晒咁😂。冰镇咕噜肉排成碟雪咁样上，见到啲肉排一粒粒圆辘辘仲有啲菠萝同埋火龙果粒，食落去呢就有啲似冰糖葫芦嘅质地，面头𠮶浸变咗脆皮，估唔到咁好食。之后就去炒龙趸啲肉好大件鱼味浓都新鲜既。蒜蓉蒸头腩就冇乜肉食啦，不过呢鱼尾边肉就好滑。茄子炆龙趸个味就浓左啲遮晒啲鱼味。8个人埋单一千以内都抵食既。不过呢食到尾嘅时候，个经理系咁走来收啲碟。其实仲有一两旧未食完佢都收因为好爆。