蘇媽.蘇媽馬來西亞美食店 (已結業)

老公今日生日放早，可以食苏妈，唔洗排队，仲有下午茶餐食，真系有生日惊喜。椰香咖央多士多士焊得透，咖央酱份量刚好，又不太甜，不错！话知你啦薄饼配咖喱个名特别，又有惊喜。薄饼即叫即整，不太厚皮，又热腾腾，咖哩有椰香，少辣，好好味！ 喇沙米缐有青瓜、菠萝、洋葱、生菜和粉，唔够味道，好淡。肉骨茶任添，够热，好浓药材味。我食呢个三层肉，肉质软冧，又入味，一定要再黎食过！咖啡不太甜，香浓的咖啡，又有奶香，够滑！