海安咖啡室 (已結業)

星期六陪家人喺西营盘𠮶头买完海味，无意发现呢间老冰室，原本谂住饮杯嘢抖抖，但眼见餐牌相内啲多士同西多几吸引，就忍唔住一试。结果食咗：1) 捞面餐(因义烧卖哂，拣咗司华力肠)：偏细碟，似系普通大光面，捞碎葱及煎香切片司华力肠，味道实属一般，个人觉得唔值$42。2) 葱蛋牛厚多士：卖相唔错，店员千叮万嘱要落黑椒粉食，多士较为湿湿淋，葱花虽然好多，但唔香，蛋偏湿滑，牛肉粒食唔出系牛肉，整体味道一般而已，但应该几啱好钟意食葱嘅人。3) 粒粒西多士：$10一粒，$30四粒。厚西多有3层，正中外脆内软，因为内层蛋汁未完全熟透，所以食到几重蛋香。备有糖浆或练奶。味道都唔错。4) 咖啡红豆冰：$30一杯，冻咖啡味道其实唔算差，但加咗奶制碎冰同红豆，味道就变得麻麻，结果饮剩咗一半。5) 普通红豆冰：跟捞面餐仲要另外加钱，卖相唔错，但其实除咗面头嚿碎冰稍为有啲特色之外，冇乜特别，而且味道偏淡，尤幸红豆都算唔太细粒，且几够溶。可能因为呢类老冰室买少见少，所以环境上先吸引到多啲人唻，但整体食物饮品虽然都略有特色，但质素实属一般，而且价钱中上，故除非经开，否则未必会再唻一试。