鳴虎 (順昌大廈) (已結業)

屋企又唔煮饭，天气又冻咗，嚟碗热辣辣嘅拉面先啦。呢间位于坚尼地城嘅拉面店，原来都有几间分店，虽然唔系喺闹市铜锣湾尖沙咀，但质素绝对唔会比连锁嘅差，绝对系水准之上，街坊可以嚟试吓🤭日本鱼干猪骨汤拉面猪骨汤，非常浓郁，鱼介味好重，重点系食完唔会口渴，叉烧有三片，厚薄适中，肥瘦分明。糖心蛋世一😍😍流心得来只蛋又唔会太老，如果可以多两片紫菜就好🫠 啲拉面系幼面，都算挂汤，不过自己私心钟意食粗面多啲。四国香葱油拉面冇猪骨咁浓郁，但系好香嘅香葱油味，钟意食葱嘅朋友唔可以错过。追加的叉烧叉烧烧到啱啱好，油份出晒嚟，表层微微焦香，一层肥一层瘦😍😍肉饺子饺子嚟讲觉得个皮厚咗少少，但系入面嘅肉馅好足，好大只总结成餐饭质素拍得住连锁𠮶啲，而且价钱仲要平好多，值得再食！