百好咖啡餅店 (已結業)

如果唔系住系西湾河，真系唔会发现有lee间茶室。（因为未嫁时住系太古城。。。。）睇过其他人的食评，发觉大家都系中意lee度嘅怀旧feel。。。其实佢同天后祥利都系类同嘅茶室，不过天后个间的名气比较大。其实这里根本没有打著怀旧做生意，因为每天帮亲的都是老街坊。特别系男人，中年也好，壮年也好，上了年纪的都好中意系度饮杯奶茶，食个蛋挞或蛋糕咁（睇睇报纸或马经）。不过我嚟亲都会食佢个特餐，因为有餐包（可以改多士咖）、火腿腌列同埋叉烧汤意（或通粉）；家埋杯茶只系26蚊。这里的多士，焢到好香脆（可以叫焢㶶d）。加上牛油，一口吃下的感觉真的好锅心！我觉得重点系佢地用港式面包，气孔多，唔系好似日本面包咁绵实。火腿腌列其实d蛋都好实，但系火腿好多；叉烧意呢，意粉有咬头；个汤好有旧式茶室嘅味道。"渗"d胡椒粉仲好味d。。。要提提杯奶茶。。我中意他们的奶茶够香浓，而且没有苦 "gip" 味。最中意个杯，同个嘴嘅感觉配合得好好，有d好似想咬杯奶茶一口咁！值得一提，因为lee度少人知，所以唔会有赶客嘅现象。个收银mut都做，有时出蛋糕，出面包；又会落单，送餐咁。好有自家式经营的感觉。可能整个茶室只有4个人系度做