住家菜 (柯士甸道)

营业中

休息中

夜晚踢完波要揾地方开饭，跟左个朋友去佢饭堂食饭，话有住家菜的水准㖞。上到去可能因为夜左少少(九点几先上到去)，所以食的人唔多，唔驶等位就有得坐点的菜都交哂俾我个朋友发板，一汤两𩠌汤系炖汤，原煲上，唔记得个汤名lu，只系记得有落鲨鱼骨，个汤够哂入味，落的料算足，不过两个人饮真系多左少少，因为我同个朋友每人都饮左四碗到。48蚊一煲呢个价真系抵到烂。两个主菜，第一个系镇江骨，炒出黎个卖相唔错，d肉汁仲系度，有唔少肉食，唔只系得骨，唔会太韧，不过可能自己已经送哂饭，后尾就咁食肉个味会偏咸第二个系柚子西柠鸡，同普通西柠鸡唔同的可能系个汁，多左柚子果只甜味，唔觉酸，鸡炸完望落去有d油，但系又几好食最后送番个海带绿豆沙作终结。前后唔驶200蚊就落到楼。